ETSN iaşə obyektlərinin istismarçılarına xəbərdarlıq edib
12:14 21 İyun 2022
"Havaya normadan artıq tullantı atan və atmosferi kanserogen maddələrlə çirkləndirən ictimai-iaşə obyektlərinə, restoran və şadlıq saraylarının istismarçılarına dəfələrlə xəbərdarlıq edilməsinə baxmayaraq, aparılan monitorinqlərin nəticələri göstərir ki, bir sıra iaşə obyektlərində analoji hallara hələ də rast gəlinir".
Ekologiya və Təbii Sərvətlər Nazirliyinin mətbuat katibi İradə İbrahimova Femida.az-a bildirib ki, ictimai-iaşə obyektlərindən, restoran və şadlıq saraylarından havaya normadan artıq tullantı atanlar barəsində inzibati tənbeh tədbirlərinin görülməsi məqsədilə iyulun 1-dən etibarən nazirliyin mütəxəssisləri tərəfindən növbəti monitorinqlər keçiriləcək, nəticəsi neqativ olan subyektlərə qarşı qanunamüvafiq tədbirlər görüləcək.
O qeyd edib ki, bu səbəbdən istismarçıların diqqətinə obyektlərindəki təmizləyici qurğulara texniki xidmət göstərilməsi işlərini vaxtında tamamlasınlar, havaya normadan artıq tullantı atılmasına yol verməmələri çatdırılıb: "Mövcud pozuntuları aradan qaldırmaları və təmizləyici qurğulara texniki xidmət göstərmələri üçün istismarçılara iyulun 1-dək vaxt verilir. Qanunvericiliyə uyğun olaraq, havaya normadan artıq atılmaların müəyyən ediləcəyi təqdirdə iaşə obyektlərinin istismarçıları İnzibati Xətalar Məcəlləsinin 234-cü maddəsinin tələblərinə əsasən cərimə ediləcək”.
Oxunub: 334
Oxşar xəbərlər
- ETSN ilanbalığının ovuna icazə verilməsinin səbəbini açıqlayıb
- ETSN əhaliyə Kürün daşma təhlükəsi ilə bağlı xəbərdarlıq edib
- ETSN-dən xəbərdarlıq: Gecə, səhər yollar dumanlı, şaxtalı olacaq, buz bağlayacaq
- ETSN hava şəraitinin dəyişəcəyi ilə bağlı xəbərdarlıq edib
- ETSN: Yanvarın 2-də gecə və səhər saatlarında dumanlı hava şəraiti davam edəcək
- ETSN: "Qeyri-sabit hava şəraiti dekabrın 25-dək davam edəcək"
- ETSN-dən havanın qeyri-sabit keçəcəyi ilə bağlı xəbərdarlıq
- ETSN yanında İctimai Ekoloji Şuranın sədri vəfat edib
- ETSN ərəb turistlərin görüntüləri ilə bağlı növbəti açıqlama yayıb
- ETSN: İşğalçı Ermənistanın Şuşada meşələri yandırması bəşəri cinayətdir