ETSN ilanbalığının ovuna icazə verilməsinin səbəbini açıqlayıb
14:52 06 Avqust 2022
Nazirlər Kabineti tərəfindən "Balıq və digər su bioresursları ovunun Qaydaları"nda dəyişikliklər edilib. Kvota üzrə balıq ovu üçün tələb olunan sənədlərin siyahısı "Lisenziyalar və icazələr haqqında Azərbaycan Respublikasının Qanunu"na uyğunlaşdırılıb.
Bunu Femida.az-a Ekologiya və Təbii Sərvətlər Nazirliyinin Bioloji Resursların Tədqiqatı Mərkəzinin direktoru, biologiya elmləri doktoru, professor Mehman Axundov bildirib.
O qeyd edib ki, əvvəlki qaydalardan fərqli olaraq, yeni qaydalar üzrə balıq ovu üçün kvotaya ərizələrin qəbulu müddəti aprelin 1-dək uzadılıb. Bu da müraciətçilərin sayının artmasına və subyektlərin kvotadan daha səmərəli istifadəsinə səbəb olacaq.
"Digər dəyişikliklər isə balıq ovunun müddətləri ilə bağlıdır. Əvvəlki qaydalarda bütün meliorativ kollektorlarda balıq ovuna icazə il boyu ərzində verildiyi halda, yeni qaydalarda həmin kollektorlarda mayın 1-dən sentyabrın 1-dək balıq ovuna qadağa müddəti tətbiq olunub. Bu da kürütökmə dövründə kollektorlara miqrasiya edən balaların kürüləməsinə və nəticədə balıq ehtiyatlarının artmasına xidmət edəcək".
M.Axundovun sözlərinə görə, yeni qaydalara əsasən kilkə ovu üçün müxtəlif dərinlikli pelagik torlardan istifadəyə, eyni zamanda, ilanbalığının adının "Qırmızı Kitab"dan çıxarılmasını nəzərə alaraq onun Kür çayı və meliorativ kollektorlarda sənaye ovuna icazə verilib.
Oxunub: 693
Oxşar xəbərlər
- ETSN əhaliyə Kürün daşma təhlükəsi ilə bağlı xəbərdarlıq edib
- ETSN iaşə obyektlərinin istismarçılarına xəbərdarlıq edib
- ETSN-dən xəbərdarlıq: Gecə, səhər yollar dumanlı, şaxtalı olacaq, buz bağlayacaq
- ETSN hava şəraitinin dəyişəcəyi ilə bağlı xəbərdarlıq edib
- ETSN: Yanvarın 2-də gecə və səhər saatlarında dumanlı hava şəraiti davam edəcək
- ETSN: "Qeyri-sabit hava şəraiti dekabrın 25-dək davam edəcək"
- ETSN-dən havanın qeyri-sabit keçəcəyi ilə bağlı xəbərdarlıq
- ETSN yanında İctimai Ekoloji Şuranın sədri vəfat edib
- ETSN ərəb turistlərin görüntüləri ilə bağlı növbəti açıqlama yayıb
- ETSN: İşğalçı Ermənistanın Şuşada meşələri yandırması bəşəri cinayətdir