Həmyerlimiz bəraət aldı
22:04 22 İyun 2015
Rusiyanın Xantı-Mansiysk vilayətinin Uqra şəhərində 23 yaşlı Yuliya Pıxteyevanı qətlə yetirməkdə təqsirləndirilən azərbaycanlı Maarif Məmmədovun cinayət işi üzrə məhkəmə prosesi başa çatıb.
Məhkəmə 20 yaşlı M. Məmmədova "zorlama" və "ölümlə hədələmə" maddələri üzrə bəraət verib.
İstintaqın irəli sürdüyü "zorlama" və "ölümlə hədələmə" maddələri üzrə ittihamlar sübuta yetirilmədiyindən məhkəmə onları yetərsiz sayıb.
"Məhkəmə Məmmədovun vəkilinin mövqeyini qəbul etdi. Bildirdi ki, əgər Y. Pıxteyeva Məmmədov tərəfindən hədələndiyi barədə polisə şikayət etməyibsə, demək belə bir şey olmayıb. Ona görə də Məmmədov günahkar deyil" deyən mərhum tələbə Y. Pıxteyevanın qardaşı məhkəmənin qərarına etiraz edəcəklərini bildirib.
Onun sözlərinə görə, istintaq da məhkəmə qərarından yuxarı instansiyaya şikayət edəcək.
Qeyd edək ki, 2014-cü ilin oktyabrında birinci instansiya məhkəməsinin qərarı ilə M. Məmmədov qətldə təqsirli bilinərək 13,2 il müddətinə azadlıqdan məhrum edilib. Prosesdə məhkəmə zorlama və ölümlə hədələmə epizodları üzrə ittihamları əsassız hesab edib. Dövlət ittihamçısı və mərhumun ailəsi məhkəmənin qərarından apelyasiya şikayəti veriblər. Onların apelyasiya şikayəti qismən təmin olunub və M. Məmmədovun cinayət işi 2014-cü il 17 dekabr tarixli məhkəmə qərarı ilə "zorlama" və "ölümlə hədələmə" ittihamlarının yenidən baxılması üçün istintaqa geri qaytarılıb və onun barəsindəki məhkəmə hökmü ləğv edilib.
Xatırladaq ki, qətl hadisəsi 2014-cü il mayın 14-də baş verib. Cinayət işində qeyd olunub ki, həmin gün Yuqra şəhərindəki uşaq bağçalarının birində işləyən 23 yaşlı Y. Pıxteyeva anası ilə birlikdə evlərinə qayıdarkən azərbaycanlı M. Məmmədov ona hücum çəkib və dalbadal bıçaq zərbələri endirib. Qız aldığı bıçaq zərbələrindən yerindəcə ölüb. Anası nə qədər cəhd etsə də, qızını onları izləyən qatildən xilas edə bilməyib.
Hadisə yerli mətbuatda geniş rezonansa səbəb olub. Qətlin geniş ictimai rezonansa səbəb olması yerli hakimiyyət orqanlarını hərəkətə gətirib. Xantı-Mansiysk qubernatoru, vilayətin İstintaq İdarəsi Yuqraya gedib və bu qətllə bağlı işi nəzarətə götürüb.
Oxunub: 1045
Oxşar xəbərlər
- Həmyerlimiz Türkiyədə faciəli şəkildə öldü
- Həmyerlimiz İsveçdə birinci olub
- Həmyerlimizi ermənilərdən müdafiə edək - MÜRACİƏT
- Həmyerlimiz Baş nazirin müavini oldu
- Həmyerlimiz deputatlığa namizəd oldu - Litvada
- Həmyerlimizə Ukraynada vəzifə verildi
- Həmyerlimiz Bundestaqın deputatını məhkəməyə verəcək
- Həmyerlimiz Niderlandda sədr seçildi
- Həmyerlimiz Dərbəndin meri seçildi
- Həmyerlimizə Dumada vəzifə verilib