Ruhaninin Bakı səfərinin vaxti bilindi
15:50 13 İyun 2016
“İran prezidenti Həsən Ruhaninin Azərbaycana səfəri gözlənilir. Səfər təxminən avqustun 8-10-u tarixlərinə planlaşdırılır”.
Femida.az xəbər verir ki, bu sözləri Azərbaycan Dəmir Yolları Qapalı Səhmdar Cəmiyyətinin (QSC) sədri Cavid Qurbanov ANS TV-nin “Hesabat" verilişində Mir Şahinin sullarını cavablandırarkən deyib.
O bildirib ki, Ruhaninin səfəri zamanı Rəşt-Astara dəmir yolunun tikintisi və ya maliyyəşdirilməsi ilə bağlı ilkin müqavilə imzalana bilər.
“İran ekspertlərinin hesablamalarına görə, Rəşt-Astara dəmir yolunun tikintisinin qiyməti 900 milyon dolların ətrafındadır. Amma biz həmin sənədlərin ekspertizasını keçirməmişik. Biz İran tərəfindən o sənədləri istəmişik. Sənədlər toplandıqdan sonra onlara həm Maliyyə Nazirliyinin, həm İqtisadiyyat Nazirliyinin, həm də Fövqəladə Hallar Nazirliyinin ekspertiza idarələri baxacaqlar”, - deyə Cavid Qurbanov qeyd edib.
Cavid Qurbanov deyib ki, sənədlər bərabər qiymətləndirildikdən sonra prezidentə məruzə ediləcək. “Biz çalışacağıq ki, Həsən Ruhani Bakıya gələnə kimi bu yolla əlaqədar ilkin müqavilə və ya yolun tikintisinin maliyyələşdirilməsinə yardımla bağlı hər hansı bir sənədi prezidentə təqdim edək. Prezident razılıq verdikdən sonra sənədlər imzalana bilər”.
Həsən Ruhaninin Azərbaycana səfər edəcəyi ilə bağlı bundan əvvəl də bir neçə dəfə məlumat yayılıb. Amma həmin xəbərlərdə İran prezidentinin Bakı səfərinin dəqiq vaxtı qeyd olunmayıb.
Oxunub: 1740
Oxşar xəbərlər
- Ruhaninin yeni köməkçiləri qadınlar olacaq
- Ruhaninin andiçmə mərasimi keçirilib
- Ruhaninin qardaşı azad edildi - Pul girovu müqabilində
- Ruhaninin həbs olunan qardaşı xəstəxanaya düşdü
- Ruhaninin qardaşı niyə həbs olunub? - TƏFƏRRÜAT
- Ruhaninin Rusiyaya səfər tarixi açıqlandı
- Ruhaninin Ermənistan səfərinə XİN-dən REAKSİYA
- Ruhaninin İrəvan səfərinin proqramı açıqlandı
- Ruhaninin şərəfinə Bakıda ziyafət verildi
- Ruhaninin tərəfdarları qalib gəldi