Heyvanlar arasında dabaq virusu yayılıb
21:45 25 İyun 2016
Bərdənin kəndlərində heyvanlar arasında dabaq virusu yayılıb. Bu, bəzi kəndlərdə heyvanların tələfatına səbəb olub.
Femida.az -ın məlumatına görə, Bərdənin Hacılar kəndində yaşayan Cavan Alıyev APA-nın Qarabağ müxbirinə deyib ki, mal-qarasını qapalı şəraitdə saxlamasına baxmayaraq, qısa müddətdə 15 baş iribuynuzlu xəstəliyə yoluxub. Hələlik xəstəliyin yayılmasının qarşısını almaqda acizdirlər.
Böyük Göyüşlü kənd sakini Şahmalı Orucovun isə 20 baş iribuynuzlu heyvanı virusa yoluxub. Artıq heyvanlardan 3-ü tələf olub: “Bu gedişlə qalanı da öləcək. Gəlib, maraqlanan yoxdur”.
Bərdə rayon Baytarlıq İdarəsindən məsələ ilə bağlı heç bir açıqlama verilməyib. İdarədən qurumun rəisinin yol kənarında yaşıllaşdırma işi apardığı, əməkdaşların isə hesabat hazırladığı üçün müsahibə verməyə vaxtlarının olmadığı bildirilib.
Oxunub: 1017
Oxşar xəbərlər
- Heyvanları incidənlərə qarşı sərt cəzalar tətbiq olunacaq
- Heyvanlara xəstəliyə qarşı iynə vuruldu
- Heyvanlar yanaraq öldü - Şabranda
- Heyvanların ölüm səbəbi bilindi - Rəsmi
- Heyvanlarda taun xəstəliyi aşkar edilməyib
- Heyvanları müdafiə edək! - VİDEO
- Heyvanlara işgəncə verənlər, DİQQƏT!
- Heyvanların sığortası artıb
- Heyvanların kəsim qaydası açıqlandı - RƏSMİ