Taleh Bağırov və Fuad Qəhrəmanlının cinayət işi məhkəməyə göndərildi
18:13 03 İyul 2016
Nardaran hadisələrində təqsirləndirilərək həbs olunan "Müsəlman Birliyi"adlı təşkilatın rəhbəri Taleh Bağırov və birliyin 14 əməkdaşı, həmçinin Azərbaycan Xalq Cəbhəsi Partiyasının sədr müavini Fuad Qəhrəmanlı barəsində olan cinayət işi baxılması üçün Bakı Ağır Cinayətlər Məhkəməsinə göndərilib.
Femida.az xəbər verir ki, bu barədə Trend-ə T. Bağırovun vəkili Cavad Cavadlı məlumat yayıb. İş yaxən vaxtlarda icrata veriləcək.
Qeyd edək ki, T. Bağırov və təşkilatın digər üzvləri Cinayət Məcəlləsinin 120-ci (qəsdən adam öldürmə) maddəsinin 120.2.1, 120.2.3, 120.2.4, 120.2.7, 120.2.12, 29,120-ci (qəsdən adam öldürməyə cəhd) maddəsinin 29, 120. 2.1, 29,120.2.3, 29, 120.2.4, 29,120.2.7, 29, 120. 2. 12, 228.3-cü (qanunsuz olaraq odlu silah əldə etmə), 228.4-cü (qanunsuz olaraq silah gəzdirmə) və digər maddələri ilə ittiham olunur. Həmin şəxslər ötən il noyabrın 26-da hüquq-mühafizə orqanlarının əməkdaşlarının Bakının Nardaran qəsəbəsində keçirdikləri xüsusi əməliyyat zamanı saxlanılıblar.
F. Qəhrəmanlı isə ötən il dekabrın 8-də həbs edilib. Məhkəmə onun barəsində 3 ay müddətinə həbs qətimkan tədbiri seçib. O, Cinayət Məcəlləsinin 281 (dövlət əleyhinə açıq çağırışlar), 283-cü ( milli, irqi, sosial və ya dini nifrət və düşmənçiliyin salınması) və 220.2-ci (hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə) maddələri ilə ittiham olunur.
Oxunub: 1009
Oxşar xəbərlər
- Taleh Bağırovdan XƏBƏR VAR
- Taleh Bağırov barəsində yeni cinayət işi açıldı
- Taleh Bağırov Qobustan həbsxanasına köçürülüb
- Taleh Bağırovun apellyasiya şikayətinə baxıldı
- Taleh Bağırov və digərlərinin məhkəməsi olacaq
- Taleh Bağırovun işi geri qaytarıldı
- Taleh Bağırovun məhkəməsi olacaq
- Taleh Bağırovun cəzası bilindi - Hökm oxundu
- Taleh Bağırov və Fuad Qəhrəmanlının məhkəməsi olub
- Taleh Bağırova ömürlük həbs istənildi - Məhkəmədən