Azərbaycan, Ermənistan və Gürcüstan parlamentarilərinin görüşü keçirilib
19:13 03 İyul 2016
Tiflisdə keçirilən ATƏT Parlament Assambleyasının (PA) sessiyası çərçivəsində İsveç nümayəndə heyətininin rəhbəri Filip Lombardenin təşəbbüsü ilə İsveç, Azərbaycan, Ermənistan və Gürcüstan nümayəndə heyətlərinin görüşü keçirilib.
Tədbirdə Azərbaycanın ATƏT PA-dakı nümayəndə heyətinin rəhbəri, Milli Məclisin sədr müaviniBahar Muradova, ATƏT PA-nın siyasi komitə sədrinin müavini Azay Quliyev, Ermənistan nümayəndə heyətinin rəhbəri Artaşes Qeqamyan, Gürcüstan tərəfdən parlamentdəki “Gürcü Arzusu” fraksiyasının sədri Giya Volski, deputat Tedo Caparidze və Azərbaycan deputatları iştirak ediblər.
Görüşdə çıxış edən İsveç nümayəndə heyətinin rəhbəri Filip Lombarde Azərbaycan-Ermənistan arasında danışıqların gücləndirilməsi haqqında fikir və təkliflərini bildirib. O, təklif edib ki, danışıqların formatı dəyişdirilsin. A. Qeqamyan deyib ki, “əgər biz danışıqlarda irəli getmək və danışıqlarda “inqilab” etmək istəyiriksə, ağıllı “dayı” xalqın taleyini həll etməməlidir. Bizim prezidentlərimiz arasında ciddi danışıqlar gedir və tezliklə Fransa prezidenti də bu danışıqlara qoşulacaq. Mən istəyirəm ki, danışıqlarda Minsk Qrupunun üzvləri və Dağlıq Qarabağ nümayəndəsi də iştirak etsinlər”.
B. Muradova çıxışında Dağlıq Qarabağın Azərbaycanın tərkibində olduğunu bildirib: “Dünyada heç bir dövlət Dağlıq Qarabağı tanımayıb və görüşlərdə Dağlıq Qarabağ nümayəndələrinin iştirakı mümkün deyil”.
A. Quliyev isə görüşdə qeyd edib ki, danışıqlar proseslərində Azərbaycanın heç bir problemi yoxdur: “Dünyada Dağlıq Qarabağ respublikası adlı bir ölkə olmayıb və bizim hər bir görüş və danışıqlarda xoş niyyətimiz bəllidir.”
Tədbirdə Gürcüstan parlamentinin və Gürcüstan parlamentinin “Gürcü Arzusu” nun fraksiya sədri Q. Volski və T. Caparidze də Ermənistan-Azərbaycan sülh danışıqları haqqında fikirlərini bildiriblər.(APA)
Femida.az
Oxunub: 1224
Oxşar xəbərlər
- Azərbaycan, İran və Türkiyə xarici işlər nazirləri görüşəcək
- Azərbaycan, Türkiyə və Gürcüstan müdafiə nazirləri görüşəcək
- Azərbaycan,İran və Rusiya birgə forum keçirəcək
- Azərbaycan, Türkiyə və Gürcüstan birgə ordu yaradır? - Ərdoğan qanun imzaladı
- Azərbaycan, Rusiya və İran arasında mühüm ANLAŞMA
- Azərbaycan, Türkiyə və Gürcüstan prezidentləri görüşəcəklər
- Azərbaycan, Türkiyə və Gürcüstan hərbi təlimlərinin vaxtı bilindi
- Azərbaycan, Rusiya və İran prezidentləri görüşəcək
- Azərbaycan, İran və Türkiyə XİN rəhbərləri görüşəcək
- Azərbaycan, Türkiyə və Türkmənistan liderləri görüşəcəklər