Kəşmirdə toqquşma: 18 ölü
02:31 11 İyul 2016
Hindistan Kəşmirində hökumət qüvvələri ilə nümayişçilər arasında iki gündür davam edən toqquşmalarda biri polis olmaqla azı 18 nəfər ölüb, 200-dən artıq insan yaralanıb.
Femida.az xəbər verir ki, nümayişlər üsyançıların lideri Burhan Vaninin ölümündən sonra başlayıb. Hökumət qüvvələri nümayişçilərə qarşı gözyaşardıcı qazdan və rezin güllələrdən istifadə edib.
Bu, 2010-cu ildən bəri Hindistanda baş verən ən böyük etiraz aksiyasıdır.
Qeyd edək ki, 1947-ci ildən bəri Hindistan ilə Pakistan Kəşmirə görə münaqişə vəziyyətindədir. Hər iki ölkə bu dağlıq regionun onun ərazisi olduğunu iddia edir.
Oxunub: 1170
