İrəvanda vəziyyət yenə gərginləşdi
23:42 29 İyul 2016
İrəvanda post-patrul xidməti polkunun binasını ələ keçirən silahlı qrupun üzvü Varucan Avetisyan girov götürdükləri tibb işçilərini azad etmək üçün şərtini bildirib.
İyulun 27-də Ermənistan Səhiyyə Nazirliyi silahlı qrup tərəfindən təcili tibbi yardım briqadasının 4 əməkdaşının, o cümlədən bir qadının girov götürüldüyü barədə bəyanat yayıb.
Qruplaşma üzvləri tibb işçilərinin əvəzinə səhiyyə naziri Armen Muradyanın onlara təslim olmasını tələb edib. Sonradan girovlardan biri azad olunub.
Xatırladaq ki, iyulun 17-də bir qrup silahlı şəxs post-patrul xidməti polkunun binasını ələ keçirərək oradakı insanları girov götürüb. Hücum nəticəsində 1 polis öldürülüb, 6 nəfər, o cümlədən 5 polis əməkdaşı yaralanıb. Binanı ələ keçirən silahlılar Prezident Serj Sarkisyanın istefasını və “Yeni Ermənistan” radikal müxalif İctimai Xilas Cəbhəsinin lideri Jirayr Sefilyanın azad olunmasını tələb edir.
İyulun 27-də Ermənistanın xüsusi təyinatlı dəstəsi qruplaşmanın ələ keçirdiyi binaya daxil olmağa cəhd göstərib. Əməliyyat nəticəsində qruplaşma başçısı Pavel Manukyan və onun oğlu güllə yarası alaraq xəstəxanaya aparılıb. Qruplaşmanın digər üzvləri Qaqik Yegiazaryan və Aram Akopyan isə könüllü olaraq hüquq-mühafizə orqanlarına təslim olub. (Azərtac)
Oxunub: 840
Oxşar xəbərlər
- İrəvanda tələbələr etiraza qalxdı
- İrəvanda taksi sürücüləri etiraz aksiyası keçirib
- İrəvanda Qarabağ müzakirəsi
- İrəvanda tələbələrin iştirakı ilə kütləvi dava olub
- İrəvanda bankomat partladılıb
- İrəvanda bomba həyəcanı - Nazirlik təxliyyə edildi
- İrəvanda 23 yaşlı qızı girov götürən şəxs güllələndi - YENİLƏNDİ
- İrəvanda partlayış olub
- İrəvanda kişi arvadının gözü qarşısında intihar edib
- İrəvandan Moskvaya gedən avtobus qəzaya uğrayıb - Ölən var