Məmmədyarov Karvadini qəbul etdi
01:20 05 Avqust 2016
Xarici işlər naziri Elmar Məmmədyarov BMT-nin Uşaq Fondunun (YUNİSEF) yeni təyin olunmuş nümayəndəsi Edvard Karvadini qəbul edib.
Femida.az xəbər verir ki, bu barədə XİN məlumat yayıb.
E.Karvadin təyinat məktubunu nazir E.Məmmədyarova təqdim edib.
Nazir E.Məmmədyarov yeni təyinatı münasibətilə E.Karvadini təbrik edərək Azərbaycanın müstəqilliyinin ilk illərindən BMT-nin Uşaq Fondu ilə faydalı əməkdaşlığın qurulduğunu diqqətə çatdırdı. Nazir uşaqların hüquqlarının qorunmasının Azərbaycan Hökumətinin gündəliyində prioritet məsələlərdən biri olduğunu qeyd edərək, BMT-nin Uşaq Fondunun Azərbaycanda fəaliyyətində məcburi köçkün ailələrindən olan uşaqların problemlərinə xüsusi diqqət yetirməsinin vacibliyini vurğuladı.
Görüş əsnasında E.Məmmədyarov Heydər Əliyev Fondunun və Xarici İşlər Nazirliyinin Beynəlxalq İnkişafa Yardım Agentliyinin həyata keçirdiyi layihələr haqqında məlumat verib.
E.Karvadin Azərbaycanın uşaq və gənclər siyasəti sahəsində əsaslı irəliləyişlərə imza atdığını qeyd edərək, BMT-nin Uşaq Fondunun praktiki əsasda Azərbaycan tərəfi ilə qurulmuş əməkdaşlıqdan məmnun olduğunu ifadə etdi. O, BMT-nin Uşaq Fondunun 2016-2020-ci illəri əhatə edən ölkə üzrə yeni proqramının qəbul olunmasının gələcək əməkdaşlığın yeni perspektivlər müəyyən edəcəyini bildirdi.
Görüşdə qarşılıqlı maraq doğuran digər məsələlər ətrafında fikir mübadiləsi aparılıb.
Femida.az
Oxunub: 1107
Oxşar xəbərlər
- Məmmədyarov TürkPA-nın baş katibini qəbul edib
- Məmmədyarov Rusiya səfiri ilə vida görüşü keçirib
- Məmmədyarovun həmsədrlərlə görüşü başladı - FOTO
- Məmmədyarovla Nalbandyan görüşəcək
- Məmmədyarov gürcü həmkarına məktub yazdı
- Məmmədyarov Vyanaya gedir - Nalbandyanla görüşəcək
- Məmmədyarov Çavuşoğlu ilə görüşdü
- Məmmədyarov Çindən gələn nümayəndələri qəbul etdi
- Məmmədyarov həmsədrlərin təklifini qəbul etdi
- Məmmədyarov Moskvada həmsədrlərlə görüşür