Xan Şuşinskinin doğum günüdür
20:26 20 Avqust 2016
Ölkənin musiqi ictimaiyyəti bu gün Azərbaycan muğam ifası ənənəsində fərdi yolu ilə seçilən Xalq artisti Xan Şuşinskinin anadan olmasının 115 illiyini qeyd edir.
Femida.az-ın məlumatına görə, Xan Şuşinski (İsfəndiyar Aslan oğlu Cavanşir) 1901-ci ildə Şuşa şəhərində doğulub.
Onun bir xanəndə kimi yetişməsində Cabbar Qaryağdıoğlunun və Seyid Şuşinskinin böyük təsiri olub.
Gənc xanəndə 1920-ci ildə Bakıya gələrək ifaçılıq fəaliyyətini genişləndirib. Xanın repertuarında "Mahur-Hindi", "Bayatı-Qacar", "Qatar" muğamları, "Qarabağ şikəstəsi", "Arazbarı", "Heyratı" zərb muğamları ilə yanaşı, xalq mahnıları və təsniflər, bəstəkar nəğmələri də əsaslı yer tutub.
1934-cü ildə Xan Şuşinski Tiflis şəhərində keçirilən Zaqafqaziya xalqlarının birinci incəsənət olimpiadasında böyük müvəffəqiyyət qazanıb, həmçinin digər ölkələrdə də Azərbaycan musiqi mədəniyyətini yüksək səviyyədə təmsil edib.
1960-cı ildə Azərbaycan Dövlət Filarmoniyasının nəzdində "Muğam studiyası" yaradıb və burada gənc xanəndələrə muğamın sirrlərini öyrədib. Eləcə də Azərbaycan Dövlət Musiqi Məktəbində dərs deyib.
Xan Şuşinski 1979-cu il martın 18-də dünyasını dəyişib.
Oxunub: 1158
Oxşar xəbərlər
- Xankəndi dairəsinin erməni seçiciləri neçə nəfərdir? - Deputatdan açıqlama
- Xankəndinin işğalından 26 il ötür
- Xankəndinin işğalından 26 il ötür
- Xanım bankir məhkəmə qarşısında - 3 milyon ittihamı
- Xankəndidə erməni komandir öz əsgərini öldürüb - VİDEO
- Xanım sürücüləri soyanlar yaxalanıb
- Xanım deputatın mandatı ləğv edildi
- Xankəndi 25 il sonra - Fotolarda
- Xankəndinin işğalından 25 il ötür
- Xanəndə əməliyyat vaxtı oxudu - Video