BDU-nun 97 yaşı tamam olur
23:39 31 Avqust 2016
Bakı Dövlət Universitetinin (BDU) yaranmasından 97 il ötür.
Azərbaycan Demokratik Cümhuriyyəti Parlamentinin 1 sentyabr 1919-cu il tarixli iclasında Bakıda universitetin təsis edilməsi qərarı qəbul edilib və onun nizamnaməsi təsdiq olunub. Beləliklə Avropa və Asiyanın qovşağında yeni bir ali təhsil ocağı yaradılıb. İlk tədris ilini tarix-filologiya, tibb fakültələri və 44 müəllimlə başlayan Bakı Dövlət Universiteti 97 illik fəaliyyəti dövründə Azərbaycan elm, təhsil və mədəniyyət tarixində böyük rol oynayıb, BDU-nun məzunları respublikada ali təhsil şəbəkəsinin qurulmasında, elmi məktəblərin genişlənməsində, ziyalı təbəqəsinin formalaşmasında və müstəqil Azərbaycanın çiçəklənməsində xüsusi xidmətlər göstəriblər.
BDU-nin Mətbuat və informasiya şöbəsindən Modern.az-a verilən məlumata görə, bu gün təbiət, fundamental, humanitar və sosial elmlər sahəsi üzrə çoxprofilli ali təhsil ocağı olan Bakı Dövlət Universitetinin 17 fakültəsində bakalavriat pilləsində 60, magistratura pilləsində isə 37 ixtisas və 204 ixtisaslaşma üzrə təhsil alan tələbələrin sayı 21 mindən çoxdur.
Sabah İctimai Televiziyanın “Yeni gün” proqramında Bakı Dövlət Universitetinin yaranmasının 97 ildönümünə həsr olunmuş veriliş yayımlanacaq. Verilişdə BDU-nun rektoru, akademik Abel Məhərrəmovun iştirakı ilə universitetin keçmişi, bu günü və gələcək perspektivlərinə nəzər salınacaq.
Oxunub: 1114
Oxşar xəbərlər
- BDU-nun 100 illik yubileyi qeyd ediləcək
- BDU-nun tələbəsi “İnterpol”a axtarışa verildi
- BDU-nun fəaliyyətində nöqsanlar aşkarlanıb
- BDU-nun dosentinə pul `atan` şəxsə HÖKM OXUNUB
- BDU-nun müəllimləri ərəb dilini öyrənir
- BDU-nun yataqxanasında intihar
- BDU-nun qalmaqallı mühafizə rəisi işdən çıxarıldı
- BDU-nun tələbəsi faciəvi şəkildə öldü
- BDU-nun tələbəsi ağır qəzada öldü