Ombudsman BMT məruzəçisi ilə görüşüb
23:12 20 Sentyabr 2016
Azərbaycan Respublikasının İnsan Hüquqları üzrə Müvəkkili Elmira Süleymanova BMT-nin insan hüquqları müdafiəçilərinin vəziyyəti üzrə xüsusi məruzəçisi Mişel Forstu qəbul edib.
Ombudsman Aparatının mətbuat xidmətindən verilən məlumata görə, görüşdə BMT-nin İnsan Hüquqları üzrə Ali Komissarlığının insan hüquqları üzrə məsul şəxsi Cəmşid Qazıyev də iştirak edib.
Görüşün əsas məqsədi Azərbaycanda insan hüquqları müdafiəçilərinin hüquqlarının təmini ilə bağlı Müvəkkilin fəaliyyəti ilə tanışlıq olub. Müvəkkil qonağı maraqlandıran sualları cavablandıraraq insan hüquqları sahəsində, həmçinin işgəncələrin qarşısının alınması üzrə Milli Preventiv Mexanizm (MPM) qismində fəaliyyəti, bu istiqamətdə görülmüş işlər haqqında geniş məlumat verib.
E.Süleymanova “Azərbaycan Respublikasında İnsan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”n (MFP) icrası, təbliği və tətbiqi vəziyyətinin monitorinqi məqsədilə ölkəmizin 57 şəhər və rayonunda yerli icmalar, QHT-lər və KİV nümayəndələrinin iştirakı ilə ictimai dinləmələr keçirdiyini, rayonlara səfəri zamanı polis idarələrinə baş çəkdiyini, polis əməkdaşları ilə insan hüquqları, saxlanılan şəxslərlə rəftar və onların saxlanılma şəraiti ilə bağlı söhbətlər apardığını, bütün polis şöbələri, eləcə də penitensiar müəssisələrdə Ombudsmanın iki qaynar xətt nömrələrinin əks olunduğu posterlərin asıldığını qonağın diqqətinə çatdırıb.
Femida.az
Oxunub: 934
Oxşar xəbərlər
- Ukrayna ombudsmanı: "Rusiya Krımda məcburi səfərbərliyə başlayıb"
- Ombudsman 31 Mart - Azərbaycanlıların Soyqırımı Günü ilə bağlı bəyanat yayıb
- Ombudsman: "Ukraynadakı azərbaycanlıların təxliyəsi ilə bağlı narahatlıq yoxdur"
- Ombudsman beynəlxalq və regional təşkilatları Ermənistan barədə qəti tədbirlər görməyə çağırıb
- Müdafiə Nazirliyi ilə Ombudsman Aparatı birgə tədbirlər planı imzalayıb
- Ombudsman Rusiyada erməninin azərbaycanlı həkimə xəsarət yetirməsini pisləyib
- Ombudsman erməni terrorçunun Azərbaycan hərbçilərinə qumbara atmasını pisləyib
- Ombudsman İmişlidə 11 yaşlı qızın zorlanmasına münasibət bildirib
- Ombudsman: "Azərbaycanda məhkum olunan erməni hərbçilərin heç bir şikayəti yoxdur"
- Ombudsman Bolqarıstan rəsmisini Ermənistan cinayətləri ilə bağlı məlumatlandırıb