Koreyalı alim BDU-da
23:16 22 Sentyabr 2016
Koreya Seul Milli Universitetinin professoru Hi Yonq Ronun rəhbərlik etdiyi nümayəndə heyəti Bakı Dövlət Universitetində olub.
BDU-dan Femida.az-a bildiriblər ki, tədbirdə bu ali məktəbin rektoru, akademik Abel Məhərrəmov qonaqlara universitetin beynəlxalq əlaqələri haqqında məlumat verib, Koreya universitetləri ilə əməkdaşlıqdan, BDU-da Koreya dili və ədəbiyyatının tədrisindən, elm və təhsil istiqamətində görülən işlərin daha da genişləndirilməsindən bəhs edib. Rektor ötən il koreyalı alimlərin iştirakı ilə universitetdə keçirilən simpoziumdan, Koreya mərkəzinin fəaliyyətindən də söz açıb.
Professor Hi Yonq Ro BDU-da ilə tanışlıqdan məmnunluğunu ifadə edib. Seul Milli Universitetinin kənd təsərrüfatı və biotexnologiya fakültəsində torpaqşünaslıq üzrə dərslər apardığını, torpaqda hərəkətlilik üzrə çoxsaylı araşdırmaların müəllifi olduğunu bildirən professor həmin universitetin laboratoriyasında orqanik maddələrin aşkarlanması və onların sertifikatlaşdırılması ilə bağlı işlər gördüyünü də qeyd edib.
Görüş zamanı torpaqşünaslıq, aqrokimya, ekologiya, nanotexnologiya sahəsində əməkdaşlıq, müəllim-tələbə mübadiləsi, birgə layihələrin reallaşdırılması kimi məsələlər müzakirə edilib.
Sonda qonaq Koreya Mərkəzi, Ekologiya və torpaqşünaslıq fakültəsi, Nanotexnologiya və digər lobarotoriyalarla tanış olub.
Oxunub: 1130
