Rusiya gəmiləri İran sahillərinə gəlib
03:33 19 Oktyabr 2016
Rusiyanın Xəzər donanmasının gəmiləri toplanış səfəri çərçivəsində İranın Bəndər-Ənzəli limanına qeyri-rəsmi baş çəkib.
“RİA Novosti”nin yaydığı xəbərə görə, bu barədə Cənub Hərbi Dairənin mətbuat xidmətindən bildirilib.
Məlumata görə, Rusiya Xəzər donanmasının “Tatarstan” və “Qrad Sviyajsk” raket gəmiləri Xəzər dənizində toplanış səfərini davam etdirirlər. Heyətlər artıq silahların istifadəsi və şərti düşməninin raket zərbələrindən yayınmaya dair təlimlər keçiriblər.
“Hazırda Xəzər donanmasının gəmiləri iki ölkənin donanmasının inkişafı və onların əməkdaşlığının möhkəmləndirilməsi çərçivəsində İranın Bəndər-Ənzəli limanına yan alıb”, - deyə məlumatda bildirilir.
Rusiyalı dənizçilərin İranın Hərbi-Dəniz Qüvvələri komandanlığının və Bəndər-Ənzəli rəhbərliyinin nümayəndələri ilə görüşəcəyi nəzərdə tutulub. Hərbçilər üçün ekskursiya təşkil olunacaq. Həmçinin rusiyalı və iranlı dənizçilər arasında idman tədbirlərinin keçirilməsi nəzərdə tutulub.
Rusiya Xəzər donanmasının “Tatarstan” və “Qrad Sviyajsk” raket gəmilərinin Xəzər dənizində toplanış səfəri çərçivəsində Qazaxıstanın Aktau limanına səfər etməsi planlaşdırılıb.
Femida.az
Oxunub: 1413
Oxşar xəbərlər
- Rusiya aviabazasına böyük zərbə - Suriyada
- Rusiyada kütləvi dava - Azərbaycanlı ağır yaralandı
- Rusiyada yaşayan azərbaycanlı alim vəfat etdi
- Rusiyada qəza: 10 nəfər ölüb
- Rusiya səfirininin ölümü ilə bağlı HƏBS QƏRARI
- Rusiyada həmyerlimiz 12 il azadlıqdan məhrum edildi
- Rusiya polisi `Lotu Quli`ni axtarır
- Rusiya Kamçatkada yeni ordu yaradır
- Rusiya Mərkəzi Bankının sədri ABŞ-ı hədələdi
- Rusiya telekanalında azərbaycanlı və erməni ekspertlər əlbəyaxa oldu - VİDEO