Cavid Qurbanov türkiyəli nazirlə görüşüb
01:47 30 Noyabr 2016
“Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov Türkiyənin nəqliyyat, dənizçilik və kommunikasiya naziri Əhməd Arslan ilə görüşüb.
Cəmiyyətin mətbuat katibliyindən Femida.az-a verilən məlumata görə, Cavid Qurbanov Azərbaycan Dəmir Yolunda həyata keçirilən islahatlar, Bakı-Tbilisi-Qars dəmir yolu bağlantısına gələcəkdə dəhlizə cəlb oluna biləcək yüklər haqqında məlumat verib. Bildirib ki, bağlantının Gürcüstan hissəsindən Türkiyə sərhədinə kimi artıq dizel ilə işləyən lokomotivlər butun yol boyunca maneəsiz hərəkət edə bilirlər.
Görüşdə həmçinin Türkiyə və Azərbaycan ölkələrinin dəmir yollarının gələcək planları və bu əməkdaşlığın perspektivləri, Beynəlxalq Transxəzər Nəqliyyat Marşrutuna yüklərin cəlb olunması və digər məsələlər müzakirə olunub.
Türkiyə nəqliyyat, dənizçilik və kommunikasiya naziri Əhməd Arslan Bakı-Tbilisi-Qars dəmir yolu layihəsinin icra vəziyyəti haqqında danışıb. O bildirib ki, layıhənin Türkiyə hissəsində işlər son mərhələdədir, qısa müddətdə başa çatdırılacaq və bununla da dəmir yolu vasitəsilə Çindən Avropaya birbaşa əlaqə qurulacaq.
Görüşdə ikitərəfli əməkdaşlığın bundan sonra daha da genişləndirilməsinin vacibliyi vurğulanıb.
Femida.az
Oxunub: 1440
Oxşar xəbərlər
- Nazir Cavid Məmmədovu bu rayona rəis təyin etdi
- Cavid Qurbanov “Azərbaycan Dəmir Yolları” QSC-nin sədri vəzifəsindən azad edilib
- Cavid Qurbanov yenidən federasiya prezidenti seçilib
- Cavid Qurbanov İranın Azərbaycandakı səfiri ilə görüşüb
- Cavid Qurbanov videokonfrans keçirdi
- "6 məhkəmə hakimi işdən azad olunub" - Cavid Hüseynov
- İlham Əliyev Cavid Qurbanovu qəbul etdi
- İstanbulda Hüseyn Cavidin büstü qoyuldu - FOTO
- Hüseyn Cavidin doğum günüdür
- Cavid Qurbanov avstriyalı nazirlə görüşdü