10 tona yaxın zərərli qarğıdalı məhv edildi
01:46 16 Dekabr 2016
Kənd Təsərrüfatı Nazirliyi yanında Dövlət Fitosanitar Nəzarəti Xidməti bu gün 10 tona yaxın karantin orqanizm aşkar edilmiş qarğıdalını yandıraraq məhv edib.
Qurumun mətbuat xidmətindən Femida.az-a verilən məlumata görə, bir neçə gün əvvəl Dövlət Xidməti Rusiyadan Azərbaycana idxal olunmuş 1050 ton ərzaqlıq qarğıdalıda yovşanyarpaqlı ambroziya (Ambrosia artemisiifolia L.) aşkar edib. “S.A.N.İ Kəndli Fermer Təsərrüfatı” MMC-yə məxsus yükdən götürülmüş nümunələrin Dövlət Xidmətinın Karantin Ekspertiza Mərkəzinin müvafiq laboratoriyasında ekspertizası zamanı aşkar olunan alaq otu toxumunun karantin əhəmiyyətli olduğu müəyyən edilib və məhsulun ölkə daxilində satışına və istifadəsinə icazə verilməyib. Yük sahibinin diqqətinə çatdırılıb ki, karantin tədbirlər sisteminə riayət etmək şərti ilə yük xüsusi aqreqatlar vasitəsi ilə təmizlənməli, ayrılmış çıxar isə alaq toxumları ilə birlikdə məhv edilməlidir. Tələb olunan fitosanitar tədbirlər sistemi həyata keçirildikdən sonra məhsul təkrar yoxlanılmalı və ambroziya aşkar edilmədikdə, istifadə edilməsinə icazə verilməlidir.
Məhsul xüsusi aqreqatlar vasitəsi ilə təmizləndikdən sonra alınmış 10 tona yaxın ambroziya toxumları olan çıxar “S.A.N.İ. Kəndli Fermer Təsərrüfatı” MMC-nin Bərdə rayonunun Çələbilər kəndindəki ərazisində bu gün yandırılaraq məhv edilib.
Qeyd edək ki, yovşanyarpaqlı ambroziya təhlükəli alaq bitkisidir. İnkişaf etmiş yerüstü və kök sistemi sayəsində bu alaq otu torpağı çox qurudur və münbitliyi azaldır. Ambroziya qalıqları qarışmış yem ilə qidalanmış heyvanların südü və süd məhsulları acı dadlı olmaqla yanaşı, xoşagəlməz iy verir.
Yovşanyarpaqlı ambroziya təhlükəli alaq otu olmaqla yanaşı, həm də insan sağlamlığı üçün təhlükəlidir. Belə ki, çiçəklənmə dövründə havaya yayılan çoxsaylı tozcuqları insanlarda müəyyən allergik xəstəliklər – ambroziya polinozları əmələ gətirir. Bu insanlarda tənəffüs yolları və gözün selikli qişası şişir, tənəffüs çətinləşir, görmə və ümumilikdə iş qabilliyəti zəifləyir. Bir müddət sonra allergik reaksiyalar bronxial astmaya çevrilir.
Femida.az
Oxunub: 908
Oxşar xəbərlər
- 104 yaşlı çeçen qadını Kərbəla adına Gədəbəyə göndərdilər
- 10 kiloqramdan artıq marixuana tapıldı (FOTO)
- 10 mənzili təkrar 11 nəfərə satan şəxslər həbs edilib
- 100 min müsəlman kimsəsiz adaya yerləşdirilir
- 100 milyon insanın həyatı təhlükədə
- 10 cinayət “isti izlər”lə açılıb
- 100 min manatlıq dələduzluqda təqsirləndirilən şəxs azadlıqda
- 10 ildə vergi daxilolmaları 7 dəfəyədək artıb
- 100 məcburi köçkünə yeni ev verildi
- 10 cinayət “isti izlər”lə açılıb