Ərdoğandan müharibə anonsu
19:41 28 İyul 2015
“Biz demokratik mərhələ prosesini başladıq. Bu, hökumətin səmimi niyyəti idi. Vaxt keçdikcə bunu milli birlik və qardaşlıq layihəsi səviyyəsinə qaldırdıq. Lakin “həll müddəti” prosesinin başlandığı vaxtlardakı vəziyyət dəyişib”.
Bu barədə Türkiyə Prezidenti Rəcəb Tayyip Ərdoğan deyib.
Onun sözlərinə görə, bələdiyyə seçkilərində “həll müddəti” prosesindən sui-istifadə hallarına yol verildi: “Parlament seçkilərində bunun böyük zərər gördüyünün şahidi olduq. Artıq indi ortada fakt var. Bu ölkədə milli birliyimizə, qardaşlığımıza qəsd edənlərlə “həll müddəti” prosesini davam etdirmək artıq mümkün deyil. Əsas olan milli birlikdir”.
Ərdoğan ABŞ ilə Türkiyənin Suriyada “təhlükəsiz zona” yaratması haqda yayılan məlumatlara da toxunub: “Obama ilə telefon danışığında “təhlükəsiz zona” yaradılması haqda məsələləri ətraflı müzakirə etdik. Bu zona Türkiyədə olan suriyalıların öz ölkələrinə dönməsinə şərait yaradacaq”.
Türkiyə Prezidenti MHP başqanı Dövlət Baxçalının HDP-nin bağlanması təklifinə münasibət bildirib.
“Mən hansısa partiyanın bağlanmasını müsbət qarşılamıram. Lakin bu partiyanın idarəçiləri bir-bir cavab verməlidir. Konstitusiyanın 14-cü maddəsi çox şeyləri təmin edir. Toxunulmazlıq statusundan sui-istifadə edən, terror təşkilatını özünə arxa bilən, “biz arxamızı ora, bura dayayırıq” deyənlər bu ifadələrin cavabını verməlidir”, - deyə Ərdoğan diqqətə çatdırıb.
Oxunub: 1333
Oxşar xəbərlər
- Ərdoğandan fransız jurnalistə SƏRT CAVAB
- Ərdoğandan Trampa sərt cavab: “İradənizi dollara satmayın“
- Ərdoğandan Qarabağ açıqlaması: `Azərbaycanla eyni mövqedən çıxış edirik`
- Ərdoğandan Trampa daha bir xəbərdarlıq
- Ərdoğandan Rusiya haqda açıqlama
- Ərdoğandan Hollandiyaya sərt xəbərdarlıq
- Ərdoğandan BMT-yə təklif
- Ərdoğandan ABŞ-a ağır ittiham: `Dəlillərimiz var`
- Ərdoğandan Qarabağ – Açıqlaması
- Ərdoğandan iddialı açıqlama: `Mosul bizim olub`