Şeyx Qətər səfirini qəbul edib
23:09 31 Mart 2017
Martın 31-də Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə Qətər Dövlətinin Azərbaycanda yeni təyin edilmiş fövqəladə və səlahiyyətli səfiri Yusif bin Həsən əl-Saini onun xahişi ilə qəbul edib.
QMİ-dən Femida.az-a verilən məlumata görə, A. Paşazadə iki ölkə arasında münasibətlərin yüksək səviyyədə olduğunu qeyd edib, ikitərəfli əlaqələrin daha da inkişaf etdirilməsi üçün geniş imkanlar açıldığını diqqətə çatdırıb.
Azərbaycan Prezidenti İlham Əliyevin sərəncamı ilə bu il ölkəmizdə “İslam Həmrəyliyi ili” elan olunduğunu vurğulayan Şeyxülislam Allahşükür Paşazadə bununla bağlı QMİ-nin həyata keçirdiyi tədbirlər barədə qonağa geniş məlumat verib.
Səfir Yusif bin Həsən əl-Sai Azərbaycanla Qətər Dövləti arasında əlaqələrin qarşılıqlı etimada söykəndiyini diqqətə çatdırıb, Azərbaycan Prezidenti İlham Əliyevin bu yaxınlarda Qətərə rəsmi səfərini yüksək qiymətləndirib. Səfir ikitərəfli münasibətlərin müxtəlif sahələrdə inkişafı üçün səy göstərəcəyinə hazır olduğunu deyib, dini sahədə əlaqələrin daha da inkişaf etdirilməsinin vacibliyini qeyd edib.
Qonaq regionda və dünyada sabitliyin, dini tolerantlığın qorunması sahəsində uzun illər fəaliyyət göstərən Şeyxülislam Allahşükür Paşazadəyə bu xidmətlərinə görə minnətdarlığını bildirib.
Qəbulda QMİ sədrinin birinci müavini, Müfti Salman Musayev iştirak edib.
Femida.az
Oxunub: 568
Oxşar xəbərlər
- Gələn aydan Bakı-Şarm Əl-Şeyx reysi açılır
- Şeyx Ərdəbil məscidinin imamı Amuliyə cavab verdi
- Şeyx yeni dini liderlər şurasının yaradılması təşəbbüsü ilə çıxış edib
- Şeyx: "Adambaşına 5-10 manat arası fitrə zəkatının verilməsi tövsiyə olunur"
- Şeyxülislamdan Ramazan təbriki
- “Nəvələrimi Hərbi Qənimətlər Parkına aparacağam” - Şeyx
- Şeyxülislam: “Dağıdılan 64 məsciddən tezliklə azan səsi gələcək”
- Şeyx Beynəlxalq Dialoq Mərkəzinin növbəti vebinar iclasında iştirak edib
- Şeyxülislam: “İlham Əliyev tarixə Fateh kimi daxil oldu”
- Şeyxülislam Allahşükür Paşazadə bəyanat verib