Seçkilər bitdi - Ermənistanda ara qarışa bilər
00:58 03 Aprel 2017
Ermənistanda keçirilən parlament seçkiləri yekunlaşıb.
Femida.az xəbər verir ki, parlament seçkilərində 4 partiya və 5 siyasi blok mübarizə aparıb.
Ermənistan MSK-nın xəbərinə görə, saat 17:00 olan məlumata görə, seçkilərdə 1 milyon 317 min 936 nəfər iştirak edib. Bu da seçicilərin təxminən 50 faizi deməkdir.
Lakin Ermənistanda keçirilən parlament seçkilərinin ilk saatlarından başlayaraq ciddi qanun pozuntuları qeydə alınıb. Səsvermə prosesi zamanı seçki məntəqələrinin birində qarşıdurma da yaşanıb. Səsvermə zamanı müşahidəçi ilə seçici arasında dava baş verib.
Seçkiqabağı baş verən proseslər, hakim partiyanı dəstəkləyənlərin müxalif qüvvələrə qarşı silahlı hücumları, müxalifətin fasiləsiz etiraz aksiyalarına çağırışları seçkilərdən sonra işğalçı ölkədə gərginliyin daha da artacağından xəbər verir. Artıq “Əriklər ölkəsi” partiyası Ermənistanda və dünyada yaşayan erməniləri parlament seçkilərinin nəticələrini tanımamaqla bağlı aksiyalara çağırıb. Partiyanın bu barədə yaydığı bəyanatda deyilir ki, hakimiyyət seçkilərin nəticələrini saxtalaşdıracaq.
Femida.az
Oxunub: 2671
Oxşar xəbərlər
- Seçkilər başa çatdı - Tramp liderdi
- Seçkilərlə bağlı Konstitusiya Məhkəməsinin iclasın vaxtı bəlli oldu
- Seçkiləri 27 beynəlxalq KİV nümayəndəsi izləyəcək
- Seçkiləri 501 beynəlxalq müşahidəçi izləyəcək
- Seçkiləri 46 ölkə müşahidə edəcək
- Seçkilərdən nə gözləyirsiniz? SORĞU+NƏTİCƏ
- Seçkilərə az qalmış şəxsiyyət vəsiqələri verildi
- Seçkilərlə bağlı vaxt uzadıldı
- Seçkilərə hazırlıq başlandı- Kameralar quraşdırılır