Naxçıvanda komanda-qərargah təlimi keçirilir - FOTOLAR
23:13 27 Aprel 2017
Naxçıvanda komanda-qərargah təlimi keçirilir.
Femida.az-ın məlumatına görə, təlim çərçivəsində qoşunların döyüşə hazırlığının yoxlanılması məqsədi ilə birləşmə və hissələr “Həyəcan” siqnalı ilə qaldırılaraq cəmləşmə rayonlarına çıxarılıb.
Cəmləşmə rayonlarında idarəetmə sistemləri vasitəsilə qoşunların idarə olunması praktiki həyata keçirilir. Naxçıvan Muxtar Respublikası Səhiyyə Nazirliyi, Səfərbərlik və Hərbi Xidmətə Çağırış üzrə Dövlət Xidməti və Əlahiddə Ümumqoşun Ordunun birgə fəaliyyəti ilə tibb müəssisələrindən hərbi vəzifəli şəxslərin və təcili tibbi yardım maşınlarının səfərbərlik üzrə toplanması və təyinatı üzrə bölüşdürülməsi həyata keçirilib.
Şəxsi heyətin peşəkarlıq səviyyəsinin təkmilləşdirilməsi məqsədi ilə hərbi səhra hospitalının hərbi həkim heyəti tərəfindən səfərbərliyə alınmış hərbi vəzifəlilərə göstərici dərs və məşğələlər keçirilib. Təlimin gedişində Naxçıvan səhiyyə naziri Niyazi Novruzov, Səfərbərlik və Hərbi Xidmətə Çağırış üzrə Dövlət Xidmətinin rəisi general-mayor Səxavət Salmanov, müdafiə nazirinin müavini-Əlahiddə Ümumqoşun Ordu Komandanı, general-leytenant Kərəm Mustafayev səfərbərlik üzrə tibb müəssisələrindən təlimə cəlb edilmiş hərbi vəzifəlilərlə görüşüblər.
Qeyd edək ki, Əlahiddə Ümumqoşun Ordunun müxtəlif güc strukturları ilə birgə keçirilən komanda-qərargah təlimi davam edir.
Femida.az
Oxunub: 977
Oxşar xəbərlər
- Naxçıvanda Ombudsmana 25 şikayət olub
- Naxçıvanda bu vəzifə ömürlük oldu
- Naxçıvanda yeni qurum yaradıldı
- Naxçıvanda icbari tibbi sığortanın tətbiqinə başlanılıb
- Naxçıvanda hərbi texnika döyüşə hazır vəziyyətə gətirilib - VİDEO
- Naxçıvanda 12 mindən artıq sərnişin qatardan istifadə edib
- Naxçıvanda qəbir daşları belə olacaq - FOTO
- Naxçıvanda əcnəbilərə 48 saat vaxt verildi
- Naxçıvanda qəza: 4 yaşlı uşaq öldü
- Naxçıvanda hərbi texnika küçələrə çıxarıldı - FOTOLAR