Şəmkirdə film kimi hadisə: Dustaq məhkəmə zalından qaçdı
16:50 13 May 2017
Azərbaycanda dustaq məhkəmə zalından qaçıb.
Hadisə Şəmkir rayonunda baş verib.
Belə ki, Şəmkir Rayon Məhkəməsində mühakimə olunan Eşqin Murtuzov məhkəmə zalının pəncərəsindən çıxaraq qaçıb. Qəsdən adam öldürməkdə və digər cinayətlərdə təqsirləndirilən E.Murtuzovun tutulması istiqamətində tədbirlər görülür.
Qeyd edək ki, Şəmkir rayon Seyfəli kənd sakini, 1996-cı il təvəllüdlü E.Murtuzov bu ilin yanvarın 17-də həbs olunub. O, Şəmkir rayonunun Seyfəli kəndi ərazisində Gəncə şəhər sakini, 1958-ci il təvəllüdlü sürücü Namiq Əli oğlu Babayevi bıçaqlayaraq ona məxsus avtomobili qaçırıb. Namiq Babayev hadisədən iki gün sonra yerləşdirildiyi xəstəxanada ölüb.
E.Murtuzov Gürcüstana keçmək istəyərkən "Sınıq Körpü" sərhəd-buraxılış məntəqəsində saxlanılıb.
Qaçırılan "VAZ-2107" markalı avtomobil Şəmkir rayon Seyfəli kənd sakini, maşın ustası Kamal Kərimovda aşkarlanıb. Polisə ifadə verən K.Kərimov isə maşını həmkəndlisi E.Murtuzovdan aldığını bildirib.
Femida.az
Oxunub: 11032
Oxşar xəbərlər
- Şəmkirdə itkin düşən azyaşlılar tapıldı
- Şəmkirdə azyaşlı bacılar itkin düşüb
- Şəmkirdə məktəb yandı
- Şəmkirdə 45 yaşlı qadın intihar etdi
- Şəmkirdə iki maşın toqquşub
- Şəmkirdə piyda vurduldu
- Şəmkirdə partlayış - Ana və oğlu xəsarət alıb
- Şəmkirdə ev yanıb
- Şəmkirdə 4 otaqlı ev yanıb
- Şəmkirdə ağır qəza: Qadın ağır yaralandı