Beynəlxalq Bankın reytinqləri aşağı salındı
01:22 16 May 2017
Azərbaycan Beynəlxalq Bankının sağlamlaşdırılması prosesinin növbəti mərhələsində Bankın xarici kreditorlar qarşısındakı öhdəliklərinin könüllü restrukturizasiyasına başlanıldıqdan sonra Fitch və Moody’s beynəlxalq reytinq agentlikləri ABB-nin reytinqlərinə yenidən baxıb.
Bankdan Femida.az-a verilən məlumata görə, Fitch bankın reytinqini ССС səviyyəsində elan edib. Moody’s isə Banka Caa3 reytinqini verib.
Beynəlxalq reytinq agentliklərinin bununla bağlı açıqlamalarını şərh edən Azərbaycan Beynəlxalq Bankının İdarə Heyətinin sədri Xalid Əhədov bunun beynəlxalq təcrübəyə uyğun olduğunu bildirib: “Bu normal praktikadır və bizim üçün gözlənilən qərardır. Belə bir hal, xarici ölkələrdə eyni prosesi keçmiş maliyyə qurumlarının təcrübəsində də baş verir. Adətən, restrukturizasiya prosesi dövründə maliyyə qurumlarının reytinqləri qısa müddətdə aşağı düşür və proses başa çatdıqdan sonra reytinqlər yenidən bərpa olunur. ABB-nin reytinqlərinin aşağı salınması da müvəqqəti xarakter daşıyır”.
Azərbaycan Beynəlxalq Bankının restrukturizasiya planı bankın maliyyə durumunun və likvidliyinin gücləndirilməsinə xidmət edir. Bu planın həyata keçirilməsi nəticəsində ABB-nin xarici valyuta mövqeyi tənzimlənəcək, maliyyə vəziyyəti və gəlirliliyi güclənəcək. Tədbirlər başa çatdırıldıqdan sonra bankın kapital mövqeyi müəyyən edilmiş normativ səviyyəyə qayıdacaq. Nəticədə ABB-nin uzunmüddətli maliyyə dayanıqlılığı təmin olunacaq və özəlləşdirmə öncəsi bankın bazar dəyəri artacaq. Bütün bunları nəzərə alaraq, restrukturizasiya prosesi başa çatdıqdan sonra Azərbaycan Beynəlxalq Bankının reytinqlərinin yüksələcəyi gözlənilir.
Femida.az
Oxunub: 1513
Oxşar xəbərlər
- Beynəlxalq turnirdə ilk günün qalibləri məlum oldu
- Beynəlxalq təşkilatların diqqəti Tərtərdə
- Beynəlxalq cinayətkarlıqla bağlı qanun layihəsi müzakirə olunacaq
- Beynəlxalq Bankın xəzinədarının məhkəməsi başlayır
- Beynəlxalq Bankın restrukturizasiya planı qəbul olunub
- Beynəlxalq Kimya Olimpiadasının qalibləri Vətənə dönüblər
- Beynəlxalq ictimaiyyət hadisə barədə məlumatlandırılır - XİN
- Beynəlxalq Bank vətəndaşı pulsuz qoydu
- Beynəlxalq Bankın sağlamlaşdırılmasında yeni mərhələ
- Beynəlxalq Prokurorlar Assosiasiyası ilə səmərəli əməkdaşlıq edilir