Fətullah Gülənə 130 gün vaxt verildi

17:18     05 İyun 2017

Hazırda ABŞ-da gizlənən Fətullahçı Terror Təşkilatının (FETO) başçısı Fətullah Gülənə Türkiyə vətəndaşlığından çıxarılması ilə bağlı 3 ay möhlət verilib.

Bu barədə ölkənin “Resmi gazete”si məlumat yayıb.

Türkiyənin Daxili İşlər Nazirliyinin yaydığı məlumatda bildirilir ki, F.Gülən də daxil olmaqla barələrində axtarış elan edilən və ölkədən qaçan 130 nəfər ölkəyə dönməsələr vətəndaşlıqdan çıxarılacaqlar.

130 günlük möhlətin bu gündən başladığı bildirilir.

Qeyd edək ki, Türkiyənin Ədliyyə Nazirliyi müxtəlif cinayətlərdə şübhəli bilinən və xarici dövlətlərdə gizlənən şəxslərin ölkəyə qayıtmaları ilə bağlı çağırış edib.

Bu, Türkiyə Cinayət Məcəlləsinin dövlətin birliyini və ölkənin bütövlüyünü pozmaq, konstitusiyanı pozmaq, prezidentə qarşı sui-qəsd və əməli hücum etmək, qanunverici orqana qarşı cinayət törətmək, hökumətə qarşı cinayət törətmək, Türkiyə Respublikası hökumətinə qarşı silahlı qiyam, silahlı qruplaşmada iştirak etmək və qanunsuz silah saxlamaq maddələri ilə ittiham olunanlara şamil ediləcək.

Femida.az

Açar sözlər:

Oxunub: 1745