57 mindən çox şagird buraxılış imtahanı verib
23:07 23 İyun 2017
Dövlət İmtahan Mərkəzi (DİM) bu gün Xocavənd, Gəncə, Daşkəsən, Göygöl, Samux, Xızı, Mingəçevir, Naftalan, Goranboy, Şəki, Oğuz, Ağcabədi, Göyçay, Ucar, Ağdaş, İsmayıllı, İmişli, Füzuli, Beyləqan, Sabirabad, Saatlı, Lənkəran, Astara, Lerik, Masallı, Xaçmaz, Şabran və Siyəzəndə yerləşən orta ümumtəhsil müəssisələrinin buraxılış siniflərində təhsil alan 57 088 şagird üçün mərkəzləşdirilmiş qaydada buraxılış imtahanları keçirib.
DİM-dən Femida.az-a verilən məlumata görə, 9-cu sinif şagirdləri üçün imtahan (II mərhələ) saat 10:00-da başlanıb və 1 saat 30 dəqiqə ərzində, 11-ci sinif şagirdləri üçün isə imtahan saat 15:00-da başlanıb və 2 saat 45 dəqiqə müddətində aparılıb.
İmtahanların idarə olunması üçün DİM-də operativ qərargah fəaliyyət göstərib, gün ərzində imtahan mərkəzləri ilə müntəzəm əlaqə saxlanılıb və imtahan prosesinin gedişinə nəzarət olunub.
İmtahan iştirakçılarının öz bilik və bacarıqlarını nümayiş etdirmələri üçün bütün imtahan mərkəzlərində zəruri şərait yaradılıb.
İyunun 24-dən etibarən imtahan protokollarının və cavab kartlarının emalı aparılacaq. Nəticələr yaxın günlərdə elan ediləcək.
Femida.az
Oxunub: 1000
Oxşar xəbərlər
- 57 yaşlı kişi bıçaqlanıb
- 57 yaşlı kişini `tok` vurub öldürdü
- 57088 şagird imtahan verəcək
- 57 yaşlı kişi özünü doğradı - Bakıda intihar
- 57 yaşlı kişi damarlarını doğradı - Bakıda intihar
- 576 uşaq cinayət törədib - STATİSTİKA
- 57 yaşlı kişi həyətdə özünü asdı
- 57 yaşlı qadın faciəli şəkildə öldü
- 57 yaşlı kişi özünü bıçaqladı
- 57 yaşlı cənab leytenant