Şəhidin xatirəsinə həsr olunmuş futbol turniri keçirilir

23:30     03 İyul 2017

Azərbaycan Ordusunun şəhid polkovnik leytenantı Raqub Orucovun xatirəsinə həsr olunmuş "SƏNİ UNUTMADIQ KOMANDİR, SİZİ UNUTMADIQ ŞƏHİDLƏR!" devizi altında keçirilən II futbol turnirinin açılış mərasimi olub.

Tədbir şəhidlərin əziz xatirəsinə ehtiram əlaməti olaraq bir dəqiqəlik sükut və Azərbaycan Respublikasının Dövlət Himninin səslənməsi ilə açıq elan olunub. Müqəddəs kitabımız "Qurani-Kərim" dən ayələr oxunduqdan sonra turnirin təşkilatçısı "Qarabağ Hərəkatı"nın təəssübkeşi Elgün, jurnalist Gəncimsoy tədbir haqqında və şəhid komandir Raquf Orucov haqqında çıxış edib.

Açılış mərasimində iştirak edən Qarabağ Hərəkatı başqanı Vasif Qurbanzadə, Bərdə rayonunun ziyalı gənci Anar Şahbazov, "N" saylı hərbi hissənin zabitləri çıxış ediblər. Çıxışlarda belə tədbirlərin keçirilməsinin insanlar arasında vətənpərvərlik ruhunun yüksəldilməsinə xidmət etdiyi qeyd olunub.

Xatırladaq ki, turnir hazırda davam edir. Hər birində 6 komanda olmaqla 12 komanda çempionluq uğrunda mübarizə aparır.

Femida.az

Açar sözlər:

Oxunub: 3020