Rusiya Əliyev və Sarkisyanı görüşdürmək istəyir - XİN açıqladı
13:55 17 İyul 2017
Rusiya bu ilin sonuna qədər Ermənistan və Azərbaycan prezidentləri arasında görüş təşkil etməyə çalışır.
Bu barədə “İzvestiya” nəşrinə Rusiya XİN-indəki yüksək rütbəli mənbə deyib.
“Moskva bu məsələdə əsas vasitəçi olub. Minsk qrupunun digər həmsədrlərinin Bakı və İrəvanın nümayəndələrini danışıqlar masası arxasına əyləşdirmək cəhdləri uğursuzluqla nəticələnib”, - mənbə nəşrə bildirib.
Rusiya XİN-dəki yüksək rütbəli mənbə qeyd edib ki, Fransa Bakı və İrəvanı danışıqlar masası arxasına oturtmaq istəyib, lakin bu səylər heç bir fayda verməyib: “Bununla belə dialoqun dəstəklənməsi prinsipial əhəmiyyətə malikdir. Məhz bunun sayəsində regionda tammiqyaslı müharibə alovlanmadı. Lakin tərəflərin məqsədləri və baxışları fərqlidir”.
Qeyd edək ki, iyulun 11-i Rusiya XİN rəhbəri Sergey Lavrov azərbaycanlı və erməni həmkarı Elmar Məmmədyarov və Edvard Nalbandyanla görüşlər keçirib. Məsləhətləşmələr Avstriyanın Mauerbah şəhərində ATƏT ölkələrinin XİN rəhbərlərinin qeyri-rəsmi görüşü zamanı baş tutub.
Femida.az
Oxunub: 2690
Oxşar xəbərlər
- Rusiya aviabazasına böyük zərbə - Suriyada
- Rusiyada kütləvi dava - Azərbaycanlı ağır yaralandı
- Rusiyada yaşayan azərbaycanlı alim vəfat etdi
- Rusiyada qəza: 10 nəfər ölüb
- Rusiya səfirininin ölümü ilə bağlı HƏBS QƏRARI
- Rusiyada həmyerlimiz 12 il azadlıqdan məhrum edildi
- Rusiya polisi `Lotu Quli`ni axtarır
- Rusiya Kamçatkada yeni ordu yaradır
- Rusiya Mərkəzi Bankının sədri ABŞ-ı hədələdi
- Rusiya telekanalında azərbaycanlı və erməni ekspertlər əlbəyaxa oldu - VİDEO