Kolleclərə qəbulun nəticələri açıqlanıb
19:13 31 Avqust 2017
Dövlət İmtahan Mərkəzi (DİM) 2017/2018-ci tədris ili üçün ümumi (9 illik) orta təhsil bazasında orta ixtisas təhsili müəssisələrinin boş qalan plan yerlərinə qəbul olmaq üçün keçirilən müsabiqənin nəticələrini elan edib.
DİM-in mətbuat xidmətindən Femida.az-a verilən məlumata görə, abituriyentlər müsabiqənin nəticələrini DİM-in internet səhifəsindən və ya mobil telefonla iş nömrələrini 7727 nömrəsinə göndərməklə öyrənə bilərlər.
Mərkəzdən bildirilib ki, boş qalan 3157 plan yerinin müsabiqəsində iştirak etmək üçün 2374 abituriyent ərizə təqdim edib. Onlardan 1701 abituriyent orta ixtisas təhsili müəssisələrinə qəbul olub.
Qəbul olunan abituriyentlərin siyahısı və müsabiqə nəticəsində formalaşan keçid balları sentyabrın 1-də “Abituriyent” jurnalının xüsusi buraxılışında çap olunacaq.
Qəbul olunanlar sentyabrın 6-dan 13-dək (saat 9:00-dan 17:00-dək) sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər.
Müəyyən olunan müddətdə qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul olmaq haqqında əmri orta ixtisas təhsil müəssisəsinə göndərilməyəcək.
Femida.az
Oxunub: 821
Oxşar xəbərlər
- Kolleclərə qəbulun nəticələri açıqlandı
- Kolleclərə ixtisas seçimi sabah bitir
- Kolleclərə ixtisas seçimi başladı
- Kolleclərə qəbul üçün müsabiqə şərtləri
- Kolleclərə qəbul olmaq istəyənlərin nəzərinə!
- Kolleclərə tələbə qəbulu elan edilib
- Kolleclərə qəbul yeni qaydalar əsasında keçiriləcək
- Kolleclərə qəbul qaydaları açıqlandı
- Kolleclərə qəbul qaydaları dəyişdirilir
- Kolleclərə qəbul olanların nəzərinə!