Londondakı terrorda yaralananların sayı artır

02:04     16 Sentyabr 2017

London metrosunda baş verən partlayış nəticəsində yaralananların sayı 29-a çatıb.

`RİA Novosti` agentliyinin verdiyi xəbərə görə, bundan əvvəl 22 nəfərin yaralandığı bildirilirdi.

Xəsarət alanların həyatlarına təhlükə olmadığı bildirilir. Polis hadisəni terror aktı kimi qiymətləndirib. Skotland-Yarddan bildirilib ki, qatarda yerləşdirilən əldəqayırma partlayıcı qurğu tam işə düşməyib. Cinayəti törətməkdə şübhəli bilinən şəxs müəyyənləşdirilib, onun adı hələ ki, açıqlanmır.

London metrosunun "Parsons Green” stansiyasında partlayış bu gün, səhər saatlarında baş verib.

Femida.az

Açar sözlər:

Oxunub: 903