Ölkədə suçiçəyi xəstəliyi ilə bağlı mövcud vəziyyət açıqlandı
00:02 03 Noyabr 2017
Səhiyyə Nazirliyi Respublika Gigiyena və Epidemiologiya Mərkəzi (RGEM) ölkədə suçiçəyi xəstəliyi ilə bağlı mövcud vəziyyəti dəyərləndirib.
Femida.az xəbər verir ki, RGEM-in direktor müavini Afaq Əliyeva Trend-ə deyib ki, yay aylarında bu xəstəliyə yoluxanların sayı azalmağa doğru dəyişib.
Onun sözlərinə görə, hazırda da suçiçəyinə yoluxanların sayında azalma müşahidə edilir: “Hər 3-4 ildən bir bu xəstəliyin artımı müşahidə edilir. Hələ artım müşahidə edilmir. Xəstəliyin əsas yayılma dövrü qışda olur. Qışda əhali daha çox qapalı mühitdə olduğundan hava-damcı infeksiyalarının artımı baş verir. Hələlik xəstəliyin haradasa qeydə alınması barədə bizə məlumat daxil olmayıb. Ola bilər ki, xəstəlik tək-tək hallarda qeydə alınsın. Amma xəstəliyin xeyli artması barədə danışmaq düzgün deyil”.
A.Əliyeva bildirib ki, Azərbaycanda suçiçəyinə qarşı peyvəndin tətbiqi hələ nəzərdə tutulmayıb.
O əlavə edib ki, 2018-ci ilin peyvənd təqvimində də dəyişikliyin aparılması nəzərdə tutulmayıb: “2016-cı ildə inaktivləşdirilmiş poliomielit vaksini tətbiq etdik. 3 valentli poliomielitdən 2 valentli poliomielit vaksinə keçdik. Ancaq növbəti ildə heç bir yeni peyvəndin tətbiqi nəzərdə tutulmayıb”.
Oxunub: 786
Oxşar xəbərlər
- Ölkədə 195 min ton pambıq yığılıb
- Ölkədə nə qədər pambıq yığılıb?
- Ölkədən çıxışa necə qadağa qoyula bilər?
- Ölkədən 95 min dollar çıxaranlar tutuldu
- Ölkədə gündəlik neft hasilatı azalacaq
- Ölkədə pul bazası artıb
- Ölkədə bəzi siniflərin təşkilində çətinliklər yaranıb
- Ölkədə neçə altsheymer xəstəsi var?
- Ölkədə uşaqlar arasında yoluxucu virus yayılıb
- Ölkədə nə qədər ali təhsilli qadın var?