Maşınla qadını vurdu - 20 gün sonra təslim oldu
18:44 29 Noyabr 2017
Bakıda piyadanı vurub qaçan sürücü polisə təslim olub.
Bu barədə Femida.az -a Daxili İşlər Nazirliyinin (DİN) mətbuat xidmətindən məlumat verilib.
Məlumata görə, noyabrın 8-də saat 19 radələrində Səbail rayonunun Salyan yolu küçəsində Bakı şəhər sakini, 42 yaşlı Könül Əkbərova yolun piyadalar üçün nəzərdə tutulmayan hissəsindən keçmək istəyərkən “Jeep Grand Cherokee” markalı avtomaşınla vurulub və aldığı xəsarətlər nəticəsində hadisə yerində ölüb. Sürücü isə hadisə yerindən qaçıb.
Faktla bağlı Səbail Rayon Polis İdarəsinin (RPİ) İstintaq şöbəsində Cinayət Məcəlləsinin müvafiq maddələri ilə cinayət işi başlanılıb, istintaq aparılır.
İstintaq zamanı hadisə yerinə və avtomaşına, həmçinin ərazidəki təhlükəsizlik kameralarına baxış keçirilib, hadisə yerinin sxemi tərtib edilib, fotoşəkillər çəkilərək baxış protokoluna əlavə olunub, məhkəmə-tibb ekspertizası keçirilib.
Aparılmış profilaktiki tədbirlər nəticəsində yol-nəqliyyat hadisəsini törətməkdə şübhəli bilinən Bakı şəhər sakini Rəhim Rəhimov könüllü olaraq Səbail RPİ-nin 8-ci Polis Bölməsinə gələrək özünü istintaqa təqdim edib.
Femida.az
Oxunub: 595
Oxşar xəbərlər
- Maşınların gömrükdən keçirilməsi qaydası dəyişdi
- Maşınlar toqquşdu, xəsarət alanlar var
- Maşınların akkumulyatorlarını oğurlayanlar tutuldu
- Maşınların dövlət qeydiyyatı proseduru dəyişdi
- Maşınla vurulan qadın 3 gün sonra öldü
- Maşınla divar arasında qaldı - Şirvanda faciə
- Maşınla uşağı vurub qaçdı
- Maşınla iki piyada vuruldu, biri ölüb
- Maşınla qadını vurub öldürdü
- Maşınlar toqquşdu, iki nəfər yaralandı