Pensiya kartı üstündə arvadını bıçaqladı - Cəzası təəccübləndirdi
16:50 19 Yanvar 2018
Bakıda arvadını bıçaqlamaqda təqsirləndirilən 74 yaşlı İbadullah Məsimovun cinayət işi üzrə məhkəmə prosesi başa çatıb
Femida.az-ın məlumatına görə, Bakı Ağır Cinayətlər Məhkəməsində hakim Tamilla Nəsrullayevanın sədrliyi ilə keçirilən prosesdə prokuror Sabir Abdinov çıxış edib. O, çıxışında İbadullah Məsimovun yaşını və ağır xəstə olmasını nəzərə alınmalı olduğunu və ona sınaq müddəti seçilməklə şərti cəza verilməsini istəyib.
Prosesdə hökm oxunub. Hakimlər kollegiyasının hökmünə əsasən, İbadullah Mənsimov 3 il azadlıqdan məhrum edilib. Onun barəsində Cinayət Məcəlləsinin 70-ci (şərti) maddə tətbiq edilib və 1 il 6 ay sınaq müddəti təyin edilib.
Qeyd edək ki, hadisə ötən il avqustun 11-də Sabunçu qəsəbəsində baş verib. 74 yaşlı İbadullah Mənsimov arvadı Tərgül Mənsimovanı bıçaqlayıb.
Məlum olub ki, İ. Mənsimov həyat yoldaşından təqaüd kartını istəyib. Qadın isə kartı ərinə verməyib. Bu zaman tərəflər arasında mübahisə düşüb. 74 yaşlı kişi bıçaqla həyat yoldaşını bıçaqlayıb. Qadının həyatını xilas etmək mümkün olub.
İ. Mənsimov saxlanılaraq həbs edilib. Onun barəsində həbs qətimkan tədbiri seçilib. Bir müddət sonra onun sağlamlığında ciddi problemlər yarandığından İ.Mənsimov barəsində seçilən həbs qətimkan tədbiri ev dustaqlığı ilə dəyişdirilib.
İ. Mənsimova Cinayət Məcəlləsinin 126.1-ci ( sağlamlığa ağır zərbə vurma) maddəsi ilə ittiham verilib.
Femida.az
Oxunub: 2280
Oxşar xəbərlər
- Prokurorluq “Azərişıq” ASC-nin əməkdaşlarının bıçaqlanması ilə bağlı məlumat yayıb
- “Azərişıq” ASC-nin əməkdaşlarının bıçaqlanması ilə bağlı cinayət işi başlanılıb
- Gəncədə bıçaqlanma olub
- Bakıda bıçaqlanma hadisəsi baş verib
- Bakıda bıçaqlanma hadisəsi baş verib.
- Bakıda 22 yaşlı gəncin bıçaqlanması ilə bağlı cinayət işi açılıb
- Göygöldə bıçaqlanma hadisəsi baş verib
- Torpaq üstündə dava bıçaqlanma ilə bitdi
- Goranboyda toyda bıçaqlanma olub
- Ucarda bıçaqlanma hadisəsi olub