Jurnalistlərə görə marşrutun istiqaməti dəyişdirildi
16:35 01 Fevral 2018
125 saylı marşrut xətti üzrə avtobusların hərəkət sxemində dəyişiklik edilib.
Bakı Nəqliyyat Agentliyindən (BNA) Femida.az-a verilən məlumata görə, bu marşrut üzrə avtobuslar “Lökbatan” Nəqliyyat Mübadilə Mərkəzinə gedərkən 20-ci sahədəki dairədən geri qayıdaraq yeni salınan yoldan “Bibiheybət yolu”na çıxmaqla (“Jurnalistlər binası”nın qarşısındakı yol) müəyyən edilən xətt üzrə hərəkətinə davam edəcək.
"Dəyişiklik nəticəsində, “Bibiheybət yolu” ətrafında çoxsaylı yaşayış binalarının sakinlərinin, Bakı Ali Neft məktəbinin kampusunun müəllim və tələbə heyətinin, eləcə də həmin ərazidə olan iaşə obyektlərindən istifadə edən əhalinin müntəzəm marşrut xətti ilə “28 May” metrostansiyası – “Lökbatan” Nəqliyyat Mübadilə Mərkəzi ilə əlaqələndirilməsi təmin ediləcək. Dəyişiklik edilməsi haqqında qərar “Bibiheybət yolu” (“Jurnalistlərin binası”) ətrafında məskunlaşan sakinlərdən Bakı Nəqliyyat Agentliyinə daxil olan çoxsaylı müraciətlər əsasında aparılan təhlillərə uyğun olaraq qəbul edilib. Belə ki, Su İdman Sarayından “Bibiheybət yolu” (“Jurnalistlərin binası”) ilə Bibiheybət məscidinə qədər marşrutun olmaması ərazidə məskunlaşan sakinlərin yaxınlıqdakı dayanacağa piyada gedişində çətinliklər yaradır. Belə ki, 20-ci sahədəki dayanacaqdan “Bibiheybət yolu” ətrafındakı yaşayış binalarına (Jurnalistlərin binası) qədər piyada gediş məsafəsi 840 m təşkil edir",- deyə məlumatda qeyd olunur.
Qeyd edək ki, 125 nömrəli müntəzəm marşrut xətti üzrə avtobuslar 3 fevral tarixindən yenilənmiş sxem üzrə hərəkət edəcəklər.
Femida.az
Oxunub: 773
Oxşar xəbərlər
- Marşrut avtobuslarında gediş haqqı bu qədər olacaq – MƏBLƏĞ AÇIQLANDI
- BNA: "35 müntəzəm marşrut xətti üzrə gecikmələr var"
- Rusiya aviaşirkəti Sankt-Peterburq-Bakı marşrutu üzrə uçuşlara başlayacaq
- Bakıda 29 marşrut xətti üzrə avtobusların hərəkəti gecikir
- Ukrayna taxıl ixracı üçün Polşa və Rumıniya vasitəsilə marşrutlar yaradıb
- Bakıda 3 marşrutun hərəkət sxemi müvəqqəti dəyişdirilir
- Bakıda yeni marşrut xətti təşkil edilib
- AZAL Bakı-Moskva reysində uçuş marşrutunu dəyişib
- Bakı-Kiyev-Bakı marşrutu üzrə bugünki reys ləğv edilib
- Bakıda 5 marşrut xəttinin hərəkət sxemi müvəqqəti dəyişdirilir