Rəhbər vəzifədə işləmək istəyənlərin nəzərinə!
17:19 08 Mart 2018
Dövlət İmtahan Mərkəzi (DİM) 11 dövlət orqanında inzibati vəzifələrin 4–6-cı təsnifatlarına uyğun olan 200 vakant rəhbər vəzifələri üzrə dövlət qulluğuna qəbul üçün müsabiqənin müsahibə mərhələsini elan edib.
Mərkəzdən Femida.az-a verilən məlumata görə, müsabiqənin müsahibə mərhələsi üzrə qeydiyyat aprelin 7-dək davam edəcək.
Ən yüksək vəzifələr Azərbaycan Respublikasının Prezidenti yanında Ali Attestasiya Komissiyasının Aparatında şöbə müdiri və şöbə müdirinin müavini, Səhiyyə Nazirliyinin Aparatında şöbə müdirinin müavini və mərkəzi icra hakimiyyəti orqanlarının regional bölmərində bölmə müdirinin müavini ve sektor müdirləri vəzifələridir.
Müsahibədə iştirak etmək üçün müraciət etmiş namizədin portala daxil etdiyi məlumatların və sənədlərin tamlığı, aktuallığı və namizədin müvafiq vakant vəzifənin tutulması şərtlərinə uyğunluğu Mərkəz tərəfindən yoxlanılır və təsdiq edildikdən sonra namizəd müsahibədə iştirak etmək üçün qeydə alınır.
Vakansiyalar Prezidenti yanında Ali Attestasiya Komissiyası (3 vəzifə üzrə 3 yer), Səhiyyə Nazirliyi (3 vəzifə üzrə 3 yer), Kənd Təsərrüfatı Nazirliyi (172 vəzifə üzrə 172 yer), Təhsil Nazirliyi (1 vəzifə üzrə 1 yer), Mədəniyyət və Turizm Nazirliyi (10 vəzifə üzrə 10 yer), Əmək və Əhalinin Sosial Müdafiəsi Nazirliyi (2 vəzifə üzrə 2 yer), Ekologiya və Təbii Sərvətlər Nazirliyi (1 vəzifə üzrə 1 yer), Gənclər və İdman Nazirliyi (3 vəzifə üzrə 3 yer), Əmlak Məsələləri Dövlət Komitəsi (1 vəzifə üzrə 1 yer),Dini Qurumlarla İş üzrə Dövlət Komitəsi (3 vəzifə üzrə 3 yer), Dövlət Statistika Komitəsi (1 vəzifə üzrə 1 yer) üzrədir.
Femida.az
Oxunub: 989
Oxşar xəbərlər
- Ali Attestasiya Komissiyası sədrinə yeni müavin təyin olunub
- Ali Attestasiya Komissiyasının Rəyasət Heyətinin üzvü vəfat edib
- Attestasiya imtahanında iştirak etməyənlərin diqqətinə
- Attestasiya imtahanlarının nəticələri 3 həftə ərzində elan ediləcək
- Rezidentlərin attestasiya imtahanı təxirə salınıb
- Sığortaçılar üçün attestasiya keçiriləcək
- Ali Attestasiya Komissiyasının sədri məhkəməyə verildi
- Nəzarət Palatası attestasiya keçirəcək
- Attestasiya Komissiyası fəaliyyətə başladı