AMEA alimləri nə ixtira edir? - Faktlar
19:46 19 Mart 2018
Təkcə 2017-ci il ərzində 35 ixtiraya milli patent verilib.
Femida.az xəbər verir ki, bu sözləri Azərbaycan Milli Elmlər Akademiyasının Müəllif hüquqları və patent şöbəsinin müdiri Sadıx Nəbiyev Hafta.az saytına müsahibəsində “Azərbaycanda alimlər nə ixtira edir ki?” sulına cavab olaraq bildirib.
AMEA-nın şöbə müdirinin sözlərinə görə, 2016-cı ildə Akademiyanın elmi-tədqiqat institutları tərəfindən təqdim edilmiş iddia sənədləri əsasında 57 ixtiraya milli patent verib:
“Təkcə 2017-ci il ərzində 35 ixtiraya milli patent verilib. Bu ixtiralar arasında atom energetikası obyektlərində təhlükəli sahələrdə istifadə edilə bilən radiasiyaya davamlı elastomer material, metal səthlərin korroziyadan nühafizə üsul və vasitələri, müxtəlif təyinatlı müasir sürtkü yağları, xüsusi keyfiyyətlərə malik polimerlər, kənd təsərrüfatı üçün yeni kompleks gübrə və ziyanvericilərlə mübarizə vasitələri və s. xüsusi qeyd olunmalıdır.
Akademiyanın geoloq və kimyaçı alimlərinin birgə əqli məhsulu olan “Membranlı filiz emalı texnologiyası” patentinin tətbiqi hər bir filizin və ya filiz tullantısının geokimyəvi və mineraloji tərkibindən asılı olaraq, münasib membran qrupunu tərtib etməklə ekologiyaya ziyan vurmadan lazım olan komponentləri ayırmağa və saf hala gətirməyə imkan verəcək. Fiziklər alternativ və bərpa olunan enerji mənbələrində iki şinalı hibrid sistemdən istifadə üsulunu hazırlayıblar, hansı ki, bu, günəş, külək və digər alternativ və bərpa olunan mənbələrdən əldə olunan sabit enerjini dəyişən cərəyana çevirmədən daşımaq və istehlakçıya çatdırmaq perspektivləri açır”.
Femida.az
Oxunub: 956
Oxşar xəbərlər
- DİN-in Polis Akademiyasının professor-müəllim heyətinin maaşlarına əlavələr olacaq
- DSX Akademiyasının kursantı onkoloji xəstəlikdən vəfat edib
- Vilayət Eyvazov Polis Akademiyası rəisinin birinci müavinini təqaüdə göndərib
- Bakıda Akademiyanın qarşısında avtomobil piyadanı vuraraq öldürüb
- Hərbi Akademiyada doktorant olmaq istəyənlərin NƏZƏRİNƏ
- Qazaxıstan Sərhəd Xidmət Akademiyasının rəisi etiraz aksiyası zamanı öldürülüb
- DSX Akademiyasına qəbul elan edilib
- Fövqəladə Hallar Nazirliyinin Akademiyası 7 milyon manatlıq mal alır
- Polis Akademiyasına qəbul qaydası təsdiqlənib
- İlham Əliyev Rusiyanın Elmlər Akademiyasının prezidentini qəbul edib