Azərbaycan Ukrayna məktəblilərinə kompüter dəstləri bağışladı
18:22 14 Aprel 2018
Ukraynanın İrpen şəhərində Azərbaycanın görkəmli elm xadimi, oftalmoloq alim, akademik Zərifə Əliyevanın adını daşıyan 12 saylı orta məktəbə kompüter dəstləri hədiyyə edilib.
Azərbaycanın Ukraynadakı səfirliyindən Trend-ə verilən məlumata görə, səfirliyin təşkilatçılığı və dəstəyi ilə gerçəkləşən yardımla bağlı orta məktəbdə tədbir keçirilib.
Tədbir iştirakçıları əvvəlcə Azərbaycanın görkəmli elm xadimi, oftalmoloq alim, akademik Zərifə Əliyevanın İrpen şəhərindəki büstünün önünə tər çiçəklər qoyub, onun əziz xatirəsini dərin hörmət və ehtiramla yad ediblər.
Sonra orta məktəbin informatika otağına baxış zamanı Azərbaycanın Ukraynadakı səfiri Azər Xudiyev çıxış edərək akademik Zərifə Əliyevanın Azərbaycan tibb elminin inkişafındakı misilsiz xidmətindən danışıb. İrpen şəhərində görkəmli elm fədaisinin adını daşıyan istirahət parkının, mərkəzi küçənin və orta məktəbin Azərbaycan ilə Ukrayna arasında sarsılmaz dostluq körpüsünə çevrildiyini bildirən diplomat səfirlik tərəfindən bu məktəbə yardımların davamlı olacağını vurğulayıb.
Göstərdikləri dəstəyə görə Azərbaycanın Ukraynadakı səfirliyinə təşəkkürünü bildirən İrpen şəhərinin meri Vladimir Karplyuk bildirib ki, bu orta məktəb həmişə Azərbaycan dövlətinin dəstəyini, qayğısını hiss edib. Onun sözlərinə görə, yeni, müasir 15 kompüter dəstinin hədiyyə edilməsi orta məktəbdə informasiya, texnologiya tədrisinin keyfiyyətinə böyük təsir edəcək.
Zərifə Əliyeva adına 12 saylı orta məktəbin direktoru Valentina Antonenko isə çıxış edərək göstərdikləri dəstəyə görə Azərbaycanın Ukraynadakı səfirinə və Qorxmaz Paşayeva təşəkkürünü bildirib. Heydər Əliyev kimi dahi bir şəxsiyyətə sədaqətli ömür-gün yoldaşı olan Zərifə xanım Əliyevanın əsl ziyalı alim, mehriban və qayğıkeş ana obrazının təcəssümünə çevrildiyini vurğulayan V.Antonenko belə bir şəxsiyyətin adını daşıyan orta məktəbin direktoru olmasından qürur hissi keçirdiyini qeyd edib.
Sonra tədbir iştirakçıları mərhum akademikin adını daşıyan 12 saylı orta məktəbə gələrək xüsusi təyinatlı elm ocağında fəaliyyət göstərən Zərifə Əliyeva muzeyi ilə tanış olublar.
Femida.az
Oxunub: 1353
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Ukrayna ordusunun daha bir azərbaycanlı hərbçisi həlak olub
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Rusiya Ukraynanın Zaporojye şəhərini raket atəşinə tutub
- Ukrayna Baş Qərargahı: "Son sutkada Rusiyanın 44 tankı məhv edilib"
- Ukrayna Baş Qərargahı: "Rusiyanın itkiləri 59 mini keçib"
- Ukrayna Baş Qərargahı Rusiyanın itkilərinin sayını açıqlayıb
- Ukrayna Baş Qərargahı Rusiyanın itkilərini açıqlayıb
- Ukrayna Rusiyanın qismən səfərbərlik elan etməsinə münasibət bildirib
- Sergey Şoyqu: “Ukraynada 5 937 hərbçimiz ölüb”