Çayxanadan oğurluq edildi
14:28 08 May 2018
Yardımlı Rayon Polis şöbəsi əməkdaşlarının keçirdikləri əməliyyat axtarış tədbirləri zamanı 1700 manat dəyərində televizor və oyun aparatları oğurlayan şəxslər saxlanılıb.
DİN Mətbuat Xidmətindən Femida.az-a bildirilib ki, Yardımlı rayon Köryədi kənd sakini, Sərvin İbayev rayon polis şöbəsinə müraciət edərək ona məxsus çayxanadan gecə saatlarında 2 ədəd televizor, 3 ədəd SONY markalı oyun aparatı və həmin aparatın pultlarının oğurlandığını deyib.
Keçirilən əməliyyat-axtarış tədbirləri ilə oğurluğu törətməkdə şübhəli bilinən şəxslər müəyyən edilərək polis əməkdaşları tərəfindən saxlanılıb. Araşdırmalarla məlum olub ki, çayxanadan oğurluq edən elə həmin kəndin sakinləri Camal Əkbərli və Şaiq Balaşovdur.
Onlar törətdikləri əməli etiraf ediblər, oğurladıqları televizor və oyun aparatlarını Bakı şəhərində satdıqlarını bildiriblər. Oyun aparatlarından biri isə onlardan maddi sübut kimi götürülüb.
Faktlarla bağlı Yardımlı RPŞ-nin istintaq bölməsində Cinayət Məcəlləsinin müvafiq maddələri ilə cinayət işi başlanılıb, araşdırma davam etdirilir.
Femida.az
Oxunub: 1039
Oxşar xəbərlər
- Polis sənədləri olmayan silahlar aşkarladı
- İki günün cinayət statistikası - 47 nəfər saxlanılıb
- DİN əməliyyat keçirdi: Şənbə-bazar günləri 44 nəfər tutulub
- Polisin daha bir uğurlu əməliyyatı - 40 şübhəli şəxs TUTULDU
- 16 nəfər saxlanılıb - DİN MƏLUMAT YAYDI
- Polis əməliyyat keçirdi - 22 şübhəli şəxs tutuldu
- Ötən günün qara olayları - Krimxronika
- İnsan alveri ilə bağlı 166 cinayət baş verib
- Kafedə cinayət törədənlərə hökm oxundu
- Bu televiziyanın rəhbərinə cinayət işi açıldı
