Bakıdakı Avropa şirkətləri Palatanı tənqid etdi - Fəaliyyətimizin 31 faizi itkiyə gedib
15:43 05 İyun 2018
2018-ci ildə Azərbaycanda qeyri-neft sektorunun inkişafı əsasən tikinti sahəsi ilə bağlı olub.
Femida.az xəbər verir ki, bu barədə Avropa İttifaqının Azərbaycanla bağlı hazırladığı “Azərbaycanda biznes mühiti 2018” adlı hesabatında qeyd olunub.
Hesabatda vurğulanıb ki, Azərbaycanda tikinti sektoru 2015-ci ildən bəri mənfi inkişaf göstəriciləri sərgiləyib. “Buna baxmayaraq, hökumətin 2018-ci ildə dövlət investisiyalarının 40 faizədək artırılması planları ilə birgə İqtisadiyyat Nazirliyi bu il tikinti sektorunun 15 faizədək böyüyəcəyini proqnozlaşdırır,” – deyə hesabatda qeyd olunub.
Hesabat müəllifləri qeyd edir ki, iqtisadiyyatın sabitləşməyinə və daha müsbət iqtisadi proqnozlara baxmayaraq, hökumət bank sektorundakı həssaslıqlara nəzər yetirməlidir: “Azərbaycan banklarının ümumi vəziyyətinin müəyyən qədər sağlamlaşmasına baxmayaraq, sektorda struktur zəifliklər hələ də qalmaqdadır. Məsələn, 2017-ci ildə ümumilikdə bank sektorunun mənfəət əldə etməsinə baxmayaraq, 19 bankdan 11-i ili zərərlə başa vurub. Vaxtı keçmiş kreditlərin həcmi də kifayət qədərdir. Bütün bunlar, eləcə də Maliyyə Bazarlarına Nəzarət Palatasının (FİMSA) müstəqilliyini itirməsi onu deməyə əsas verir ki, Avropa İttifaqı şirkətlərinin 31 faizi FİMSA tərəfindən həyata keçirilən siyasət və tədbirləri effektiv saymır”.
Femida.az
Oxunub: 1364
Oxşar xəbərlər
- Hesablama Palatası AzTV-də yoxlamalara başlayıb
- Hesablama Palatası AZAL-da yoxlamalara başlayıb
- Hesablama Palatası MSK-da pozuntular aşkarlayıb
- Hesablama Palatasının mətbuat katibi dəyişib
- Hesablama Palatasının sədri və əməkdaşları təltif edilib - SİYAHI
- Konstitusiya Məhkəməsi Palatasının növbəti iclası keçirilib
- Hesablama Palatası Dünya Bankının aqrar layihəsini qiymətləndirib
- Auditorlar Palatasında yeni şöbə yaradılıb, müdir təyin olunub
- Fizika İnstitutu Hesablama Palatasının yoxlamaları ilə bağlı açıqlama yayıb
- Pakistan-Azərbaycan İqtisadi Əməkdaşlıq Palatası yaradılıb