76 yaşlı kişini niyə küçəyə atdılar? - Oğlu danışdı (YENİLƏNİB)
20:50 15 Avqust 2018
Bu gün Bakı şəhər Səbail rayonu ərazisindəki Axundov parkında kimsəsiz qoca kişi tapılıb.
Femida.az xəbər verir ki, adının Əsgərov Maarif Şıxəli oğlu olduğunu deyən şəxs 1942-ci il təvəllüdlüdür. Gəncə şəhər sakini olan 76 yaşlı qocanın dediyinə görə, o bir neçə gündür bu parkda gecələyir. Maarif Əsgərovu öz bacısı qızı Nəhayət həkim müayinəsi adı ilə Bakıya gətirib. Daha sonra onu şəhərdə qoyaraq tərk edib.
Maarif Əsgərovun sözlərinə görə, 3 oğlu, 2 qız ı var. Qızları hazırda Gəncədə yaşayır. Amma ataları ilə münasibətləri yoxdu. Həyat yoldaşı Fənarə Əsgərova isə 4 il əvvəl dünyasını dəyişib.
O, Qocalar evinə yerləşmək üçün yardım istəyir. Bunun üçün sənədlərinin qaydaya salınmasına ehtiyac var.
Xatırladaq ki, M.Əsgərov 1 aydan çoxdur ki, Gəncədən Bakıya gətirilib. İki gündür ki, Sumqayıtda qaldığı bacısı qızı onu Bakıya gətirib və burada qoyaraq tərk edib.
***
Femida.az-ın araşdırması zamanı məlum olub ki, Maarif Əsgərov təxminən 5 ay bundan əvvəl Bakı şəhərində kirayə yaşayan oğlunun evinə gəlib. Burada qalmaq istəmədiyindən Qocalar evinə getmək məqsədi ilə evdən çıxıb.
Femida.az-ın əməkdaşı Maarif Əsgərov oğlu Anar Əsgərovla əlaqə saxlayıb. Saytımıza açıqlamasında atasının yaşlı olduğunu və bunun üçün evdən getdiyini bildirib:
"Biz onu evdən qovmamışıq. Bizdən xəbərsiz evdən gəlib. Qocalar evinə getmək istədiyini də bizə deməyib", - deyə Anar Əsgərov açıqlamasında bildirib.
Miri Məcidli
Femida.az
Oxunub: 1378
Oxşar xəbərlər
- Zərdabda silsilə oğurluqda şübhəli bilinən 3 qadın və 1 kişi saxlanılıb
- Ağcabədidə 53 yaşlı kişini avtomobil vurub
- Bakıda avtomobil 39 yaşlı kişini vurub
- Ağcabədidə kişi arvadını bıçaqlayıb
- Bakıda özəl klinikada 46 yaşlı kişi əməliyyatdan sonra ölüb
- Sosial şəbəkələrdə "şəhid bacısı” adı altında vətəndaşlardan pul toplayan kişi saxlanılıb
- Enerji içkisi olmayan suları bu adla satan obyekt sahibləri cəzalandırılıb
- İmişlidə 46 yaşlı kişi yol-nəqliyyat hadisəsində ağır xəsarətlər alıb
- Abşeronda kişi qısqanclıq zəminində bıçaqlanıb
- Yasamalda avtomobil 43 yaşlı kişini vurub