İşığa necə qənaət etməli? - Bunlara əməl edin
02:30 16 Avqust 2018
Son günlər vətəndaşların çoxu elektrik enerjisinə necə qənaət etmək barədə müzakirə edir. İndi hər kəsi düşündürən suallardan biri də enerjiyə necə qənaət etməklə bağlıdır. Təqdim edəcəyimiz kiçik məsləhətlərə əməl etməklə enerji sərfiyatına müəyyən dərəcədə qənaət edə bilərsiniz.
Femida.az matbuat.az-a istinadən, bunlardan bir neçəsini diqqətinizə çatdırır:
Evinizin işıqlandırılmasında enerjiyə qənaət edən lampalardan istifadə olunmalıdır. Bunlara süd lampaları da deyilir. Belə lampalar qənaətcil və uzunömürlüdür. Həmin lampalardan mənzildən taxmağa çox da üstünlük verməyin, çünki nisbətən göz qişalarına zərərlidir. Onu həyətdə, hamam və ayaqyolundan taxmaq daha məqsədəuyğundur.
Daha sonra elektrik şəbəkəsi vasitəsilə də enerjiyə qənaət etmək olar. Məsələ burasındadır ki, elektrik şəbəkəsinə qoşulmuş üçlük və uzadıcılar da enerjiyə müqavimət göstərərək daha çox sərfiyyata səbəb olur. Hətta sönük halda belə həmin qurğular enerji sərf edir. Bu səbəblə, istifadə etmədiyiniz təqdirdə, həmin şəbəkələri söndürmək məsləhət olunur.
Televizor, musiqi cihazları və DVD-lər də sönük halda belə "standby" rejimində enerji istifadə edirlər. Bu, cihazın enerji şəbəkəsinə qoşulmuş olduğunu göstərən işıqdır. Sönük halda "standby" rejimində olan hansısa cihaz 1 saat ərzində 11 Vt enerji sərf edir. Nəticədə, bir aydan sonra büdcəmizə ziyan edəcək rəqəmlər ortaya çıxır.
Bundan başqa, elektrik enerjisinə qənaət üçün çilçıraqdakı lampaların sayını azaldın. Evdəki lampaları tez-tez silin, bu işıqlandırmanı daha yaxşı edir.
Kondisionerlərin istifadəsi. Kondisionerlərdən istifadə zamanı qapı-pəncərələri bağlı saxlamaq, onlardan hava sızan yerləri tutmaq gərəkdir.
Su qızdırıcıları. Binalarda ən çox enerji sərf edən qurğulardan biri də su qızdırıcılarıdır. Orta hesabla il ərzində evlərdə 1000 - 4000 kvts elektrik enerjisi su qızdırmağa sərf olunur. Enerji israfçılığına yol verməmək üçün su qızdırıcısını isti suyun istifadə edildiyi nöqtəyə daha yaxın olması məqsədəuyğundur. Məsafənin uzanması istiliyin azalması ilə şərtlənir. İsti suyun keçdiyi borunu izolə etməklə də istilik itkisinin qarşısını almaq olar. Suqızdırıcının isitmə dərəcəsini 60C-dən 50C-ə saldıqda su qızdırma xərci də 10% azalır.
Digər məsələ ütüdür. Ütü qədər elektrik enerjisi aparan məişət avadanlığı tapmaq çətindir. Bu səbəblə, ütü ilə olan işlərinizi biraz sürətləndirməkdə fayda var.
Femida.az
Oxunub: 1004
Oxşar xəbərlər
- “Azərişıq” ASC-yə məxsus 9250 manatlıq naqil oğurlanıb
- “Azərişıq” ASC-nin sabiq əməkdaşlarına cinayət işi açılıb
- "Azərişıq" ASC-nin bəzi xidmətləri ödənişsiz olacaq
- “Azərişıq” ASC-nin Şuşa Rəqəmsal İdarəetmə Mərkəzinin açılışı olub
- Ali Məhkəmə “Azərişıq” ASC-nin şöbə rəisi ilə bağlı qərar elan edib
- Məişət zorakılığı barədə məlumatların mediada düzgün işıqlandırılması ilə bağlı tövsiyələr hazırlanıb
- “Azərişıq” bayram günlərində gücləndirilmiş iş rejimində çalışacaq
- Bakıda avtomobil işıq dirəyinə çarpılıb, qadın ölüb
- Şirvanda işıq dirəklərini oğurlayan şəxs saxlanılıb
- Bakıda avtomobil işıq dirəyinə çırpılıb, 26 yaşlı gənc ölüb