Ali Məhkəmə “Azərişıq” ASC-nin şöbə rəisi ilə bağlı qərar elan edib
17:47 28 Mart 2022
Ali Məhkəmə “Azərişıq” ASC-nin Neftçala Elektrik Şəbəkəsinin enerji şöbəsinin rəisi Azər Abdullayevin barəsində olan hökmdən verilən kassasiya protesti üzrə məhkəmə iclası başa çatıb.
“Report”un əldə etdiyi məlumata görə, hakim Tahir Kazımovun sədrliyi ilə keçirilən prosesdə qərar elan olunub.
Qərara əsasən, kassasiya protesti təmin edilməyib.
İbtidai istintaq orqanı tərəfindən elan olunan ittihama əsasən, A.Abdullayev Neftçala Elektrik Şəbəkəsinin enerji satış şöbəsinin rəisi vəzifəsində işləyərkən 2020-ci ildə rayonun Həsənəbad qəsəbə sakininə məxsus fərdi yaşayış evinə verilən elektrik enerjisi verilişini qanunsuz dayandırıb.
Daha sonra vətəndaş Neftçala Rayon Prokurorluğuna şikayət edib.
A.Abdullayev saxlanılıb və barəsində Cinayət Məcəlləsinin 313-cü (Vəzifə saxtakarlığı) maddəsi ilə ittiham irəli sürülüb.
Neftçala Rayon Məhkəməsinin hökmü ilə A.Abdullayevin qazancından 20 faiz dövlət nəfinə tutulmaqla o, 1 il 6 ay müddətinə islah işləri cəzasına məhkum edilib. Hökmdən narazı qalan məhkum apellyasiya şikayəti verib. Şirvan Apellyasiya Məhkəməsi birinci instansiya məhkəməsinin çıxardığı hökmü ləğv edib, A.Abdullayevin əməlində cinayət tərkibi olmaması əsası ilə ona bəraət verilib. Daha sonra dövlət ittihamçısı kassasiya protesti ilə Ali Məhkəməyə müraciət edib.
Oxunub: 459
Oxşar xəbərlər
- Ali Məhkəmə Əli Əliyevin kassasiya şikayətini təmin etməyib
- Ali Attestasiya Komissiyası sədrinə yeni müavin təyin olunub
- Ali Attestasiya Komissiyasının Rəyasət Heyətinin üzvü vəfat edib
- Ali Məhkəmə sevgilisini öldürən qadınla bağlı qərar elan edib
- Ali Məhkəmə sevgilisinin qətlini sifariş edən qadınla bağlı qərar çıxarıb
- Ali məktəb və kolleclərə ərizə qəbulu başa çatıb
- Ali məktəblərə tələbə qəbulu qaydalarına dəyişiklik edilib
- Ali məktəblərin magistraturalarına qəbul imtahanı başa çatıb
- Ali Məhkəmə xəstəxanada ana ölümünə görə ginekoloqla bağlı qərar elan edib
- Ali Məhkəmə icra başçısının nümayəndəsi ilə bağlı qərar elan edib