Azərbaycan pasportu mövqeyini yaxşılaşdırdı: 66 ölkəyə vizasız giriş
16:10 05 Sentyabr 2018
"Henley&Partners" şirkəti müxtəlif ölkələrin vətəndaşları üçün hərəkət azadlığı dərəcəsini göstərən pasport reytinqini dərc edib.
Femida.az xəbər verir ki, bu reytinqdə 72-ci yeri tutan Azərbaycan pasportu 66 ölkəyə vizasız səfər etmək hüququ verir. Bu şirkətin əvvəlki reytinqində Azərbaycan pasportu 74-cü yeri tutduğu halda, indi Azərbaycan pasportunun iki pillə irəliləyərək reytinqini yaxşılaşdırdığını qeyd etmək lazımdır.
2018-ci ildə reytinqin liderləri Sinqapur və Yaponiya olub. Bu ölkələrin vətəndaşları viza almadan 189 ölkəni ziyarət edə bilirlər. 188 ölkəyə vizasız girişə hüquq verən Almaniya pasportu reytinqdə ikincidir. Üçüncü pillədə isə eyni anda 7 ölkənin paspotu qərarlaşıb: Danimarka, İsveç, İtaliya, Cənubi Koreya, İspaniya, Fransa və Finlandiya pasportuna malik olan şəxslər vizasız dünyanın 187 ölkəsinə giriş edə bilərlər.
Daha əvvəl viza məhdudiyyətlər indeksi kimi tanınan pasport indeksi 2006-cı ildən etibarən İsveçrənin "Henley&Partners" şirkəti tərəfindən Beynəlxalq Hava Nəqliyyatı Assosiasiyası (IATA) ilə əməkdaşlıq çərçivəsində tərtib olunur.
Femida.az
Oxunub: 472
Oxşar xəbərlər
- Azərbaycanda baytarlıq pasportunun alınması tələbi ləğv edilib
- Maska və vaksin pasportu ləğv edilir? - AÇIQLAMA
- Prezident xarici pasportla bağlı FƏRMAN İMZALADI
- Sabahdan COVID pasportu ilə bağlı bu qadağalar tətbiq ediləcək - SİYAHI
- Azərbaycanda COVID-19 pasportu və immunitet sertifikatı müddətli olacaq
- Vitse-prezidentlərə ömürlük diplomatik pasportun verilməsinə dair layihə qəbul edilib
- Azərbaycanın vitse-prezidentlərinə ömürlük diplomatik pasport veriləcək
- Rusiyaya 101 nəfəri saxta COVID-19 pasportu ilə aparmaq istəyən şəxsə cinayət işi açılıb
- COVID-19 pasportu olmayan 91 nəfər şənliyə buraxılmayıb
- “COVID-19” pasportu olmayan 595 nəfər şənliyə buraxılmayıb