Mədət Quliyev Bakıda veloyürüşə qatıldı
16:55 09 Noyabr 2018
9 noyabr – Dövlət Bayrağı Günü münasibətilə Azərbaycan Velosiped İdmanı Federasiyası və Dövlət Təhlükəsizliyi Xidməti (DTX) Velosiped İdman Klubunun təşkilatçılığı, Respublika Olimpiya Velosiped Məktəbi, “Gənc Velosipedçilər” İctimai Birliyi və “Azərbaycan Əlil Velosipedçilər Klubu”nun dəstəyi ilə “Bayrağımız qürur mənbəyimizdir” devizi altında veloyürüş keçirilib.
Azərbaycan Velosiped İdmanı Federasiyasından Femida.az-a verilən məlumata görə, tədbirdə Dövlət Təhlükəsizliyi Xidmətinin rəisi, general-polkovnik Mədət Quliyev, DTX Velosiped İdman Klubunun üzvləri, peşəkar və həvəskar velosipedçilər, o cümlədən ilk dəfə olaraq “Azərbaycan Əlil Velosipedçilər Klubu”nun nümayəndələri də iştirak edib.
100-dən artıq velosipedçi Azneft dairəsindən start götürməklə Neftçilər prospekti ilə hərəkət ediblər və Heydər Əliyev Mərkəzinin qarşısında bayram yürüşünü başa çatdırıblar.
Qeyd edək ki, Azərbaycan Velosiped İdmanı Federasiyası təkcə paytaxtda deyil, həmçinin bölgələrdə də bu cür tədbirlərin keçirilməsinə dəstək verir. Belə bir yürüş noyabr ayının 8-də Cəlilabad rayonunda da təşkil edilib.
Femida.az
Oxunub: 628
Oxşar xəbərlər
- Mədət Quliyev federasiya prezidenti seçilib
- Mədət Quliyev Pakistana başsağlığı verdi
- Mədət Quliyev BƏƏ baş nazirinin müavini ilə görüşüb
- Mədət Quliyevə yeni müavin təyin edilib
- Mədət Quliyevdən yeni TƏYİNAT
- Mədət Quliyev 2 yeni rəis təyin etdi
- Mədət Quliyevdən yeni təyinatlar - SİYAHI
- Mədət Quliyev Aparat rəhbərini işdən çıxardı - YENİ TƏYİNAT
- Mədət Quliyev də işdən çıxarıldı
- Mədət Quliyev şəhidləri ziyarət edib