Ər-arvad dəm qazından zəhərləndi - Biri öldü
14:34 18 Yanvar 2017
Bakıda dəm qazı daha bir nəfərin həyatına son qoyub.
Xətai Rayon Polis İdarəsindən Femida.az-a verilən məlumata görə, hadisə Əhmədli qəsəbəsində qeydə alınıb.
Qəsəbə sakini, 48 yaşlı Eldar Əhmədov və onun həyat yoldaşı, 42 yaşlı Aysabah Əhmədova yaşadıqları evin hamamında dəm qazından zəhərləniblər. Ər hadisə yerində keçinib, A. Əhmədova isə xəstəxanaya yerləşdirilib. Onun vəziyyəti stabildir.
Faktla bağlı araşdırma aparılır.
Femida.az
Oxunub: 1185