Respublika fənn olimpiadalarının şəhər mərhələsi keçirilib
16:34 03 Fevral 2019
Fevralın 3-də paytaxt üzrə məktəblilərin Respublika fənn olimpiadalarının şəhər mərhələsi keçirilib.
Femida.az xəbər verir ki, Olimpiadaların təşkil edilməsində məqsəd istedadlı uşaqların aşkar edilməsi, məktəblilərin beynəlxalq olimpiadalarda uğurlu çıxışlarının təmin edilməsi, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.
Olimpiadaların şəhər mərhələsi paytaxtdakı 16 imtahan mərkəzində təşkil edilib. Olimpiadalar Binəqədi rayonu üzrə 276, Nərimanov rayonu üzrə 36, Nəsimi rayonu üzrə 46 və 54, Nizami rayonu üzrə 32 və 229, Qaradağ rayonu üzrə 139, Sabunçu rayonu üzrə 96 və 310, Suraxanı rayonu üzrə 114, Xətai rayonu üzrə 95 və 245, Xəzər rayonu üzrə 124, Yasamal rayonu üzrə 18 və 53 nömrəli tam orta məktəblərdə, Səbail rayonu üzrə isə 160 nömrəli Klassik gimnaziyada keçirilib.
Bakı Şəhəri üzrə Təhsil İdarəsinin müdiri (BŞTİ) Rəşad Tağıyev paytaxtdakı 36 nömrəli tam orta məktəbdə fənn olimpiadalarının gedişini izləyib.
Bilik yarışında IX, X və XI, həmçinin xüsusi istedada və hazırlığa malik VIII sinif şagirdləri daxil olmaqla, ümumilikdə 7 233 şagird iştirak edib. Onlardan 5 681 nəfəri BŞTİ-nin tabeliyindəki ümumi təhsil müəssisələrinin şagirdləridir. 1 552 nəfər isə Təhsil Nazirliyinin birbaşa tabeliyindəki lisey və gimnaziyaların, eləcə də özəl məktəblərin şagirdləridir.
Respublika fənn olimpiadalarının şəhər mərhələsində Azərbaycan dili və ədəbiyyatı, riyaziyyat, fizika, kimya, biologiya, informatika, coğrafiya və tarix fənləri üzrə sualların cavablandırılması üçün şagirdlərə 3 saat vaxt ayrılıb.
Femida.az
Oxunub: 370
Oxşar xəbərlər
- Qırğız Respublikasının Prezidentinin rəsmi qarşılanma mərasimi olub
- Respublika üzrə pensiyalar sabah tam ödənilərək yekunlaşdırılacaq
- Azərbaycan Uşaqlarının V Ümumrespublika Forumu başlayıb
- 28 May - Respublika Gününün adı dəyişdirilərək Müstəqillik Günü elan edilir
- Respublika Klinik Uroloji Xəstəxanasına yeni direktor təyin olundu
- Mərkəzi Afrika Respublikasında 13 nəfər öldürülüb
- İyulun 15-də respublika üzrə bütün pensiyalar ödəniləcək
- ABŞ Konqresində Respublika Günü ilə bağlı bəyanat
- Şuşada 28 May - Respublika Günü qeyd olunub - VİDEO
- ABŞ dövlət katibi Respublika Günü münasibətilə Azərbaycan xalqını təbrik edib