Silsilə qətllər törədən taksi sürücüsü tutuldu
18:14 29 Oktyabr 2015
Rusiyanin Novosibirsk şəhərində 4 qətl törətdiyini etiraf edən 39 yaşlı yerli sakin saxlanılıb.
APA-nın “LifeNews”-a istinadən verdiyi xəbərə görə, bu barədə Rusiya İstintaq Komitəsinin regional idarəsindən məlumat verilib.
Bundan əvvəl dəfələrlə mühakimə olunan taksi sürücüsünün qurbanları əsasən qadınlar olub.
31 yaşlı birinci qurbanın cəsədi 2015-ci ilin iyulunda Novosibirsk əyalətinin Moşkovsk rayonunda tapılıb. 3 aydan sonra isə 28 yaşlı digər qurban Kalininsk rayonunda aşkarlanıb.
Aparılan ekspertiza nəticəsində cinayətkarın kimliyi müəyyənləşib.
Hazırda işlə bağlı əməliyyat-istintaq tədbirləri davam etdirilir.
Oxunub: 1136
