"Qarabağ"dan möhtəşəm qələbə
22:59 31 İyul 2019
"Qarabağ" klubu Çempionlar Liqasının II təsnifat mərhələsində cavab oyunu keçirib.
Femida.az xəbər verir ki, Ağdam təmsilçisi "Dalğa Arena"da İrlandiya çempionu "Dundalk"ı qəbul edib.
Görüşün 12-ci dəqiqəsində "Qarabağ" hesabı açıb. Romero möhtəşəm qola imza atıb. 24-cü dəqiqədə isə Filip Ozobiç zədələnib. Onun yerinə Dani Kintana meydana daxil olub.
Azərbaycan çempionu bir neçə dəfə fərqlənməyə yaxın olsa da, matçın ilk hissəsi 1:0 hesabı ilə yekunlaşıb.
Fasilədən sonra "Qarabağ" oyuna daha aktiv başlayıb. Ardıcıl hücumlardan sonra Qurban Qurbanovun komandası 75-ci dəqiqədə ikinci qola sevinib. Bu dəfə Ailton adını qol siyahısına yazdırıb.
87-ci dəqiqədə Romero dubla edərək "Qarabağ"ın 3-cü qolunu rəqib qapısından keçirib. Beləliklə, "Qarabağ" "Dundalk" səddini keçərək, növbəti mərhələyə yüksəlib. Ağdam klubunun rəqibi Kiprin APOEL komandası olacaq.
Femida.az
Oxunub: 442
