Hacı Məmmədovdan xəbər var
16:43 30 Noyabr 2015
Daxili İşlər Nazirliyinin (DİN) Baş Cinayət Axtarış İdarəsinin keçmiş baş əməliyyat müvəkkili, ağır qətllər və adam oğurluğunda ittiham edilən, hazırda ömürlük həbsdə olan Hacı Məmmədov dövlət başçısına müraciət edib.
Femida.az-ın "Report"-a istinadən məlumatına görə, Milli Təhlükəsizlik Nazirliyinin (MTN) İstintaq təcridxanasında saxlanılan H.Məmmədov son illərdə ilk dəfə ailə üzvləri ilə görüşüb.
Ona ailə üzvlərinin vasitəsi ilə vəkil tutulub. Vəkil artıq H.Məmmədovla görüşüb. H.Məmmədov yeni vəkilinə bildirib ki, ona keçmiş milli təhlükəsizlik naziri Eldar Mahmudov olan dövrdə hədə-qorxu və təziqlər edildiyi üçün məhkəmədə sözünü deyə bilməyib.
H.Məmmədov qeyd edib ki, DİN-in Baş Cinayət-Axtarış İdarəsinin sabiq rəisi, general Zakir Nəsirovun bu işlə heç bir əlaqəsi yoxdur. O, Z.Nəsirovun suni olaraq, bu işə cəlb edildiyini deyib.
Qeyd edək ki, DİN-in sabiq baş əməliyyat müvəkkili Hacı Məmmədov və daha 26 nəfər 2005-ci ilin martın 9-dan 10-na keçən gecə MTN-in həyata kecirdiyi "Qara kəmər" əməliyyatı nəticəsində tutulub.
2007-ci ilin yanvarın 19-da Ağır Cinayətlərə Dair İşlər üzrə Məhkəmədə H.Məmmədova və daha 26 nəfərə hökm oxunub. Onlardan H.Məmmədov və Z.Nəsirova ömürlük həbs cəzası verilib.
Oxunub: 1806
Oxşar xəbərlər
- Hacıqabulda qəza: Xəsarət alanlar var
- Hacı Məmmədovun meyiti gizlin dəfn edilib
- Hacı Məmmədovun meyiti yaxınlarına verildi
- Hacı Məmmədovun meyiti sabah ailəsinə veriləcək
- Hacı Məmmədovun meyitini müayinə edən ekspert: `Ağ ciyərində şiş var idi`
- Hacı Məmmədov intihar etməzdən əvvəl məktub yazıb - RƏSMİ
- Hacı Məmmədov ağciyər xərçəngidən əziyyət çəkirmiş
- Hacı Məmmədovun intiharı ilə bağlı RƏSMİ AÇIQLAMA
- Hacı Məmmədov intihar edib - SON DƏQİQƏ
- Hacıqabulda vaqon yanıb