Albaniya Prezidenti də Azərbaycan xalqını təbrik etdi
13:05 27 May 2020
Albaniya Respublikasının Prezidenti İlir Meta Azərbaycan Respublikasının Prezidenti İlham Əliyevə təbrik məktubu yazıb.
Femida.az-ın xəbərinə görə, məktubda deyilir:
"Hörmətli сənab Prezident.
İcazə verin Azərbaycanın milli bayramı - Respublika Günü münasibətilə Sizə və dost xalqınıza Albaniya xalqı adından və şəxsən öz adımdan ən səmimi təbriklərimi çatdırım.
Fürsətdən istifadə edərək, ölkələrimiz və xalqlarımız arasında mövcud olan möhtəşəm dostluq münasibətlərinə ən dərin ehtiramımı bildirir, bu münasibətlərin dərinləşməsi və möhkəmlənməsinə verdiyiniz dəstəyə görə Sizə təşəkkürümü ifadə edirəm.
Enerji sahəsindəki çox sıx əməkdaşlığımız, xüsusilə də TAP layihəsinin həyata keçirilməsində əldə edilən böyük irəliləyiş ölkələrimiz arasında yeni əməkdaşlıq layihələri üçün geniş perspektivlər açmışdır.
Sizi əmin edirəm ki, ölkələrimiz arasındakı münasibətlərin bütün sahələrdə daha da gücləndirilməsində qətiyyətliyəm.
Bütün dünyanın, eləcə də bizim ölkələrimizin COVID-19 pandemiyası ilə üz-üzə qaldığı bir vaxtda arzu edirəm ki, hamımız birgə səylərlə, müdrikcəsinə bu vəziyyətin öhdəsindən gələk, tezliklə gündəlik normal həyata qayıdaq və hər birimiz üçün daha yaxşı gələcəyə sahib olaq.
Sizi tezliklə, ən uyğun zamanda Albaniyada görmək arzumu bir daha bildirirəm.
Zati-aliləri, Sizə cansağlığı, Azərbaycan xalqına firavanlıq diləyirəm.
Bir daha ən yüksək ehtiramımı qəbul etməyinizi xahiş edirəm".
Femida.az
Oxunub: 615
Oxşar xəbərlər
- Azərbaycan Albaniyanı təbrik edib
- Albaniya Prezidenti Azərbaycanın ərazi bütövlüyünü dəstəkləyib
- Azərbaycan və Albaniya prezidentləri arasında telefon danışığı olub
- Azərbaycan Albaniyaya yardım göstərəcək
- Azərbaycanın Albaniyaya humanitar yardım göndərib
- Prezident Albaniyanın dövlət başçısına başsağlığı verib
- Albaniya Türkiyə və Azərbaycandakı səfirini dəyişdirib
- Azərbaycan və Albaniya prezidentləri görüşdü
- Albaniyada etirazçılar baş nazirin iqamətgahına hücum edib
- Diplomatların peşə bayramıdır