Bakı-Naxçıvan reyslərinin sayı artırılır
17:49 21 Sentyabr 2020
Sentyabrın 26-dan etibarən Azərbaycanın milli aviadaşıyıcısı (AZAL) Bakı-Naxçıvan-Bakı marşrutu üzrə reyslərin sayını həftədə 21 reysədək artırır.
“Azərbaycan Hava Yolları” QSC-dən Femida.az-a verilən məlumata görə, bu istiqamətdə uçuşlara tələbatın yüksək olduğunu və pandemiya dövründə uçuşların sayının məhdud olduğunu nəzərə alaraq, qeyd edilən marşrut üzrə aviabilet satışı artıq növbəlilik prinsipi əsasında həyata keçiriləcək.
Növbəyə iki usulla yazılmaq mümkündür - geriyə əlaqə forması və ya WhatsApp mesenceri vasitəsilə:
Bakıdan Naxçıvana uçuşlar üçün: • https://help.azal.az/hc/ru/requests/new?ticket_form_id=360000853919
• WhatsApp: +99455 204 65 54.
Naxçıvandan Bakıya uçuşlar üçün: • https://help.azal.az/hc/ru/requests/new?ticket_form_id=360000886220
• WhatsApp: +99460 487 30 11
Müraciət etdikdə sərnişinlər şəxsiyyət vəsiqəsinin skan edilmiş surətini, həmçinin əlaqə nömrəsini göndərməlidirlər.
Aviaşirkət onlayn forma və WhatsApp vasitəsilə eyni vaxtda müraciət etməməyinizi xahiş edir. Bu yalnız onlayn növbələrin artmasına və çağrı mərkəzi əməkdaşları tərəfindən sorğularınızın gec cavablandırılmasına səbəb olacaqdır.
Eyni zamanda sərnişinlərin diqqətinə çatdırırıq ki, qeyd olunan istiqamət üzrə aviabiletlərin əldə olunması ilə bağlı aviaşirkətin çağrı mərkəzinə zəng vasitəsilə edilən müraciətlər qəbul edilmir.
Femida.az
Oxunub: 445
Oxşar xəbərlər
- Bakı-Naxçıvan-Bakı avtobuslarına biletin qiyməti açıqlanıb
- Bakı-Naxçıvan-Bakı üzrə bilet alanların NƏZƏRİNƏ!
- Bakı-Naxçıvan reysinin açılması üçün müraciət edildi
- Bakı-Naxçıvan-Bakı aviareyslərinin gediş-gəliş qaydaları açıqlanıb
- Bakı-Naxçıvan-Bakı marşrutu üzrə aviareys həftədə bir dəfə yerinə yetiriləcək
- Bakı-Naxçıvan aviareysi ləngiyir
- Bakı-Naxçıvan dəmir yolu nə vaxt tikiləcək?